+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

ۇكىمەت باسشىسى پاۆلودار وبلىسىنىڭ اكىمىنە: ماسەلە باقىلاۋدان شىعىپ كەتكەن بە

11 قىركۇيەك 16:40
:ءبولىسۋ
ۇكىمەت باسشىسى پاۆلودار وبلىسىنىڭ اكىمىنە: ماسەلە باقىلاۋدان شىعىپ كەتكەن بە

استانا. قازاقپارات - بۇگىن ۇكىمەتتىڭ سەلەكتورلىق رەجىمدەگى وتىرىسىندا ق ر پرەمەر- ءمينيسترى باقىتجان ساعىنتايەۆ پاۆلودار وبلىسىنىڭ اكىمى بولات باقاۋوۆقا تۇرعىن ۇيلەردى پايدالانۋعا بەرۋدەگى كەمشىلىكتەردى جويۋدى تاپسىردى، دەپ حابارلايدى قازاقپارات ءتىلشىسى.

پاۆلودار وبلىسىنىڭ اكىمى بولات باقاۋوۆتىڭ ايتۋىنشا، 8 ايدىڭ قورىتىندىسى بويىنشا وڭىردە 2 كورسەتكىشتى قوسپاعاندا بارلىق ينديكاتوردىڭ وڭ ديناميكاسى ساقتالۋدا. قۇرىلىس سالاسىندا «ەۋرازيالىق ەنەرگەتيكالىق كورپوراتسياسى» ا ق بەسىنشى ەنەرگوبلوكتى قايتا جاڭارتۋ بويىنشا قۇرىلىس- مونتاجداۋ جۇمىستارىن كەشەۋىلدەتۋىنە وراي قۇرىلىس جۇمىستارىنىڭ كورسەتكىشى 3,6 پايىزعا تومەندەگەن.

«تۇرعىن ءۇيدى پايدالانۋعا بەرۋ قارقىنى 12,7 پايىزعا تومەندەدى. بۇل تاعى دا «ە ە ك» كورپوراتسياسىنىڭ قاراجاتى ەسەبىنەن سالىنىپ جاتقان 5 ءۇيدىڭ، اتاپ ايتقاندا پاۆلوداردا - 1، ەكىباستۇزدا - 1، اقسۋدا 3 ءۇي پايدالانۋعا بەرۋ مەرزىمىنىڭ بىرنەشە رەت اۋىسۋىمەن بايلانىستى. مۇنان باسقا ءۇي قۇرىلىسى كومبيناتى سالىپ جاتقان 2 بيۋدجەتتىك ءۇي بويىنشا ارتتا قالۋ بار. 9 ايدىڭ قورىتىندىسى بويىنشا بۇل كورسەتكىشتەردى تۇزەيمىز»، - دەدى بولات باقاۋوۆ.

«بولات جۇمابەك ۇلى، ءسىز ىلعي ماسەلە مەنىڭ جەكە باقىلاۋىمدا دەيسىز. بۇل جولى ايتپاي قالدىڭىز. باقىلاۋدان شىعىپ كەتكەن عوي دەيمىن. ە ە ك كىنالى، تاعى بىرەۋ كىنالى، بيۋدجەتتى سالعان كىنالى بولىپ جاتىر. سوندا ءسىز نە ىستەيسىز؟ 9 ايدىڭ قورىتىندىسىندا وزگەرىس بولماسا نە ىستەيمىز؟ جاۋاپكەرشىلىك كىمدە بولادى؟»، - دەدى ءوز كەزەگىندە ۇكىمەت باسشىسى.

وسى رەتتە پاۆلودار وبلىسىنىڭ اكىمى جاۋاپكەرشىلىكتى ءوز موينىنا الاتىندىعىن ايتىپ سەندىردى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات