تۇرىكمەنستاندا قازاقستاندا شىعارىلاتىن قۇرىلىس ماتەريالدارى تانىستىرىلدى
اشحابادتاعى كورمەدە وتاندىق ستەندىنى قازاقستاننىڭ سىرتقى ساۋدا پالاتاسى ۇيىمداستىردى، دەپ حابارلايدى پالاتانىڭ باسپا ءسوز قىزمەتى.
كورمەنىڭ نەگىزگى ماقساتى - زاماناۋي تەحنولوگيالاردى، جوبالاردى جانە باسەكەگە قابىلەتتى ونىمدەردى پاش ەتۋ، ساۋدا- ەكونوميكالىق بايلانىستاردى كەڭەيتۋ، يننوۆاتسيالىق تەحنولوگيالار سالاسىندا تاجىريبە الماسۋ، تاۋار وندىرۋشىلەر جانە تۇتىنۋشىلار اراسىنداعى بايلانىستاردى جولعا قويۋ.
«تۇرىكمەن قۇرىلىسى - 2018» حالىقارالىق كورمەسىنە الەمنىڭ 14 ەلىنەن - قىتاي، رەسەي، گەرمانيا، يسپانيا، ب ا ءا، اۆستريا، فرانسيا، گرەكيا، فينليانديا، پولشا، تۇركيا، قازاقستان، ازەربايجان، ۋكراينادان 130-دان استام كومپانيا قاتىستى.
كورمە قورىتىندىسى بويىنشا «اقتوبە رەلس- ارقالىق زاۋىتى» ج ش س تۇرىكمەنستان رەسپۋبليكاسىنىڭ تەمىرجول كولىگى ءمينيسترى ازات اتامۇرادوۆپەن كەلىسسوزدەر جۇرگىزىپ، ونىڭ بارىسىندا تۇرىكمەنستان تەمىر جولدارىن الداعى ءۇش جىلدا جاڭعىرتۋ جوسپارلارى جاريا ەتىلدى. وسى كەزدەسۋ قورىتىندىسى بويىنشا، اراز 39 مىڭ توننا كولەمىندەگى تەمىرجول رەلسىن جەتكىزىپ بەرۋ تۋرالى كەلىسىمشارتقا قول قويۋ ماسەلەسىن قاراستىرۋدا.
قازاقستاندىق تاراپ تۇرىكمەن كاسىپكەرلەرىمەن كەلىسسوزدەر بارىسىندا جالپى سوماسى 30 مىڭ ا ق ش دوللارىنا «Elif Chemicals» ج ش س قۇرعاق قۇرىلىس قوسپالارىن جەتكىزىپ بەرۋ شارتىنا قول قويدى.