ديماش قۇدايبەرگەنگە حالىقارالىق بايقاۋدا «قاستاندىق» جاسالدى
ءانشى ساحنادا ونەر كورسەتۋگە شىققاندا، 20 سەكۋند بويى ونىڭ ميكروفونى قوسىلماي قالعان دەپ جازادى NUR. KZ.
ديماش قۇدايبەرگەن تەحنيكالىق اقاۋلارعا قاراماستان، حالىق الدىندا ءوزىن بايىپتى ۇستاپ، ءان ايتۋىن جالعاستىرا بەردى.
الايدا ساحناداعى كەدەرگىلەر مۇنىمەن بىتكەن جوق. ديماشتىڭ جانكۇيەرلەرى بۇل ولقىلىقتى ءانشىنىڭ ونەرىنە سىن تاققىسى كەلگەندەردىڭ ارەكەتى دەپ باعالادى.
ديماش ءانىن اياقتاعان سوڭ، ادەتتەگىدەي حالىقتىڭ زور قوشەمەتىنە بولەندى. وعان جانتالاسا جۇگىرگەن قىزدارعا قاراپ، كەش جۇرگىزۋشىلەرى تاڭدانىسىن جاسىرا المادى. ءتىپتى سىيعا تارتقان گۇلدەردى قالاي الىپ كەتەتىنىن ويلاپ، باس قاتىردى.
قازاق ءانشىسىنىڭ ونەرىنە تابىنۋشىلار ديماشقا دەيىن ساحناعا شىققان جۇلدىزداردى ميكروفوندى ءوشىرىپ، فونوگراممامەن ءان شىرقاعان دەپ وتىر.
«ۇيىمداستىرۋشىلار ۇياتقا قالدى. سوندا دا سەن جارادىڭ، ديماش! داۋىسىڭ وتە كەرەمەت! سەنى جاقسى كورىپ، ماقتان ەتەمىز!»، «ول ءان ايتىپ جاتقاندا ۇيىمداستىرۋشىلار ءبىر-بىرىمەن سويلەسىپ جاتتى. وتە ۇيات بولدى، بۇل - ءانشىنى سىيلاماۋ دەگەن ءسوز»، - دەپ پىكىر قالدىرعان YouTube جانە Instagram جەلىسىنىڭ قولدانۋشىلارى.