استانادا وسى اپتادا قانداي مادەني شارالارعا بارۋعا بولادى
تاۋەلسىزدىك سارايىندا قىركۇيەكتىڭ سوڭىنا دەيىن «استانا - ارمان قالا» اتاۋىمەن قازاقستان رەسپۋبليكاسى سۋرەتشىلەر اكادەمياسىنىڭ سۋرەت جانە قولدانبالى ونەر كورمەسى مەن پاۆلودار قالاسىنىڭ «قاسيەتتى جەرلەرگە ساياحات» پلەنارلىق جۇمىسى وتەدى.
ارنايى زالداردا كونستيتۋتسيانىڭ قۇرمەتىنە ارنالعان «اتا زاڭ - ەل تىرەگى، استانا - ەل جۇرەگى» كورمەسى ۇيىمداستىرىلدى. سونداي- اق يادرولىق سىناقتارعا قارسى حالىقارالىق كۇنگە ارنالعان كورمە دە جۇمىس جاساۋدا. ول جەردە فوتوجۋرناليست نۇرمۇحامات يماموۆتىڭ دا شىعارماشىلىعىنا ارنالعان كورمە جۇمىس ىستەپ تۇر. بارلىق كورمەلەرگە اپتانىڭ كەز كەلگەن كۇنى ساعات 10:00 دەن 18:00 گە دەيىن بارۋعا بولادى.
«جاستار» سارايىندا استانا تۇرعىندارى مەن قوناقتارى بالدىڭ ءتۇرلى سورتتارىنان ءدام تاتىپ كورە الادى. 14-16 قىركۇيەكتە ول جەردە «ءتاتتى بال الەمى» كورمەسى وتەدى. جۇمىس ۋاقىتى - ساعات 10:00.
15 - قىركۇيەكتە ساعات 17:00-دە قالالىقتاردى «استانا» كونتسەرت زالى شاقىرادى. بۇل جەردە قازاق وركەسترىنىڭ قاتىسۋىمەن نۇرلان بەكەنوۆتىڭ شىعارماشىلىق كەشى وتەدى.
وسى كۇنى ساعات 19:00 دە بەيبىتشىلىك جانە كەلىسىم سارايىندا «جايدارمان» حالىق جاستار ويىنى وتەدى. استانا قالاسى اكىمىنىڭ كۋبوگى ءۇشىن قازاقستاننىڭ ءتۇرلى ايماعىنداعى بىرنەشە كوماندالار جارىسقا تۇسەدى.
«قازاقستان» ورتالىق كونسەرت زالىندا ءازىل كەشى بولادى. بۇل جەردەن «ودناجدى ۆ روسسي» يۋمورلىق شوۋىن كورۋگە بولادى. ال 16 سى مەن 19 - قىركۇيەك ارالىعىندا ەكسپو حولل ەنەرگيادا «كوڭىلدى تاپقىرلار الاڭى» اتتى ونەرتاپقىشتاردىڭ قازاقستان چەمپيوناتى وتەدى. باستالۋى: 19:00.
بۇدان باسقا، 10-16 قىركۇيەكتە استانادا كوپتەگەن سپورتتىق ءىس- شارالار وتەدى. 12 - قىركۇيەكتە «قازانات» يپپودرومىندا قالالىقتار «ۇلى دالا رۋحى» رەسپۋبليكالىق فەستيۆالىنىڭ فينالدىق جارىسىنا كۋا بولادى. جارىستا ۇلتتىق ويىن تۇرلەرىنەن بايگە، كوكپار، اسىق اتۋ، توعىزقۇمالاق، قازاق كۇرەسى ت. ب. وتەدى.
وسى اپتادا كحل چەمپيوناتى شەڭبەرىندە 2018-209 - ماۋسىمىندا استانالىقتار وزدەرىنىڭ سۇيىكتى حوككەي كومانداسى «بارىسقا» جانكۇيەر بولا الادى. ماتچ 12, 14, 16 - قىركۇيەكتە «بارىس ارەنا» مۇز الاڭىندا وتەدى. استانالىقتار «نەفتەحيميك» ، «تورپەدو (ن ن) » جانە اق بارسپەن كەزدەسەدى.
16 - قىركۇيەكتە «استانا ەكسپو-2017» كورمە كەشەنىنىڭ تەرريتورياسىندا استانانىڭ 20 جىلدىعىنا ارنالعان «استانا مارافون - 2018» وتەدى. باستالۋ ۋاقىتى: ساعات 7:00 دە.
اپتانى ق ر فۋتبولدان «استانا» ف ك - «قايسار» فك ليگا پرەمەراسى كلۋبتارى اراسىنداعى چەمپيوناتى اياقتايدى. كوماندالار اراسىنداعى ويىندى 16 - قىركۇيەك كۇنى ساعات 20:00 دە «استانا ارەنا» ستاديونىنان كورۋگە بولادى.