قىتاي تۇرمەسىندە وتىرعان اقجارقىن تۇرلىبايدىڭ جاعدايى قالاي

None
None
استانا. قازاقپارات - ق ر سىرتقى ىستەر مينيسترلىگى قىتاي تۇرمەسىندە وتىرعان اقجارقىن تۇرلىبايدىڭ جاعدايى تۋرالى ايتىپ بەردى، دەپ حابارلايدى قازاقپارات ءتىلشىسى.

ق ر سىرتقى ىستەر مينيسترلىگىنىڭ باسپا ءسوز حاتشىسى ايبەك سمادياروۆتىڭ ايتۋىنشا، اقجارقىن تۇرلىباي تەرگەۋ شارالارىنا ارىزدانبادى. تۇرمەدەگى جاعدايىنا دا شاعىمدانىپ وتىرعان جوق.

«قازىرگى كەزدە ول اپپەلياتسيالىق سوتتى (سوتتىڭ قايتا قارالۋىن - رەد.) كۇتىپ وتىر. وتىرىستىڭ ناقتى ۋاقىتى ءالى بەلگىسىز. ءبىز ادۆوكاتتارمەن ۇنەمى بايلانىستامىز. سول جاقتاعى كونسۋلدارىمىز تۇرمەگە بارىپ، اقجارقىننىڭ قال-جاعدايىن ءبىلىپ تۇرادى. ونىڭ وزىندە تۇرمەدەگى جاعدايعا، تەرگەۋ شارالارىنا قاتىستى ارىز-شاعىمدار جوق»، - دەدى ا. سمادياروۆ استانادا وتكەن باسپا ءسوز ءماسليحاتىندا.

ەسكە سالا كەتەيىك، 21 جاستاعى قازاق قىزى اقجارقىن تۇرلىباي 2014 -جىلدىڭ ناۋرىز ايىندا قىتايدىڭ مالايزيامەن شەكاراسىندا ەسىرتكىمەن ۇستالعان بولاتىن. ونىڭ جۇك سومكەسىنەن 4,5 كەلى ەسىرتكى تابىلدى، اقجارقىن ول تۋرالى بىلمەيتىنىن مالىمدەگەن. وسى ءىس بويىنشا قىتايدىڭ گۋاڭجوۋ سوتى اقجارقىن تۇرلىبايدى ەسىرتكى كونترابانداسىمەن ايىپتاپ، ءومىر بويىنا باس بوستاندىعىنان ايىردى. 2016 -جىلى 7 -ساۋىردە اپەللياتسيالىق ساتىداعى سوت اقجارقىن تۇرلىبايدى ءومىر بويىنا باس بوستاندىعىنان ايىرۋ جازاسىن وزگەرتۋ جانە ءىستى ءبىرىنشى ساتىداعى سوتتىڭ قاراۋىنا جىبەرۋ تۋرالى قاۋلى ەتكەن بولاتىن.

 

سوڭعى جاڭالىقتار