قازاقستاندا بالالارعا شەكارادان شىعۋ ءۇشىن جەكە ءتولقۇجاتتار جاسالاتىن بولدى

استانا. قازاقپارات - ق ر ءى ءى م قازاقستان ازاماتتارى وزگە ەلدەردىڭ شەكاراسىنان ءوتۋىن جەڭىلدەتۋ ماقساتىندا زاڭعا وزگەرتۋلەر ەنگىزەدى.

وزگەرىستەرگە سايكەس، شەكارادان ءوتۋ ءۇشىن اتا-انالاردىڭ ءتولقۇجاتتارىنا 16 جاسقا دەيىنگى بالالاردىڭ سۋرەتتەرىن جابىستىرۋدى الىپ تاستاۋ قاراستىرىلادى، دەپ حابارلايدى قازاقپارات ءتىلشىسى ۆەدومستۆونىڭ باسپا ءسوز قىزمەتىنە سىلتەمە جاساپ.

«تۇلعانى كۋالاندىراتىن قۇجاتتار جونىندە» ق ر زاڭىنا سايكەس، قازاقستان رەسپۋبليكاسى ازاماتىنىڭ ءتولقۇجاتىنا اتا-انالارىمەن بىرگە شەتەلگە شىققان 16 جاسقا دەيىنگى بالالاردىڭ سۋرەتىمەن بىرگە ولار تۋرالى جازبا ەنگىزىلۋى مۇمكىن.

الەمدەگى لاڭكەستىك پەن ەكسترەميزم قاۋپىنىڭ كۇشەيۋىنە بايلانىستى، كوپتەگەن ەلدەر شەكارالارىنان وتكىزۋ ءتارتىبىن قاتايتۋعا ءماجبۇر بولدى.

مەملەكەتتىڭ شەكاراسىنان ءوتۋ ءۇشىن اتا-اناسىمەن بىرگە ەلدەن سىرتقا شىعاتىن 16 جاسقا دەيىنگى بالالاردان قازاقستان رەسپۋبليكاسىنىڭ ازاماتى (مىسالى، شەنگەن ايماعىنداعى ەۋروپا ەلدەرى، ا ق ش، ب ا ءا جانە ت. ب. ) ەكەنىن راستايتىن قۇجاتتىڭ بولۋىن مىندەتتى تالاپ رەتىندە قاراستىراتىن ەلدەردىڭ سانى ارتۋدا.

سوندىقتان، ق ر ءى ءى م قازاقستاننىڭ ازاماتتارىنا وزگە ەلدەردىڭ شەكارالارىن وڭايلىقپەن وتۋگە مۇمكىندىك جاساۋ ءۇشىن اتا-انالاردىڭ ءتولقۇجاتتارىنا 16 جاسقا دەيىنگى بالالاردىڭ سۋرەتتەرىن جابىستىرۋعا تىيىم سالۋدى قاراستىراتىن زاڭعا وزگەرىس ەنگىزەدى. سايكەسىنشە، بالالارعا ەلدىڭ شەكاراسىنان ءوتۋ ءۇشىن جەكە ءتولقۇجات جاسالۋى كەرەك.

جاڭا وزگەرتۋلەر 2019 -جىلعى 1 -قاڭتاردان باستاپ كۇشىنە ەنەدى.