قىتايلىق جانكۇيەرلەر اعالى-ءىنىلى قازاق بوكسشىلاردى اعايىندى كليچكوعا تەڭەدى

استانا. قازاقپارات - قىتايداعى 18 جاسار قازاق بوكسشى ەسبولات ءناسيوللا ۇلى كاسىپقوي بوكستاعى ءبىرىنشى جارتىلاي جەڭىل سالماقتاعى (55.3 كەلى) دەبيۋتتىك جەكپە-جەگىن وتكىزدى، دەپ حابارلايدى قازاقپارات.

قىتايدىڭ كۋنمين قالاسىندا وتكەن رەيتينگتىك جەكپە-جەكتە، ەسبولات قىتايلىق ياڭ حايدى 4 راۋند قورىتىندىسى بويىنشا تورەشىلەردىڭ ءبىراۋىز شەشىمىمەن جەڭدى.

ايتا كەتەيىك، ەسبولات ءناسيوللا ۇلى WBA جانە WBC تۇجىرىمى بويىنشا ازيا چەمپيونى، قىتايداعى ەڭ تانىمال كاسىپقوي بوكسشىلاردىڭ ءبىرى بەيسەنبى ءناسيوللا ۇلىنىڭ (14-2- 1,6 ك و) ءىنىسى.

قىتايلىق جانكۇيەرلەر بەيسەنبىنىڭ بوكستاسۋ مانەرىن جانە كەلبەتىن قازاقستاندىق گەننادي گولوۆكينگە ۇقساتىپ، «OneG» دەپ اتاپ كەتكەن. سونداي-اق، قانداسىمىز ق ح ر- عا عانا ەمەس، قازاقستاندىق بوكس جانكۇيەرلەرىنەدە جاقىن تانىس.

ەسبولاتتىڭ العاشقى جەكپە-جەگىندەگى جەڭىسىنەن كەيىن، قىتايلىق بوكس جانكۇيەرلەرى قانداستارىمىزدى اعايىندى كليچكو سىندى الەمگە تانىمال بولاتىنىنا سەنىمدى.

اۆتور: مۇحتار قاليموللا ۇلى