عالىمدار ماڭدايداعى ءاجىمنىڭ دەنساۋلىقتا قانداي كەمشىلىكتەر بارىن كورسەتەتىندىگىن انىقتادى

 استانا قازاقپارات - فرانسۋز ماماندارىنىڭ ايتۋى بويىنشا، اجىمدەر جۇرەك-قان تامىر اۋرۋلارىنىڭ سالدارىنان ولىمگە اكەلەتىن بىردەن ءبىر جاعداي بولۋى ابدەن ىقتيمال.

ولاردىڭ پايدا بولۋى اتەروسكلەروزبەن تىكەلەي بايلانىستى جانە بۇل بەلگى اۋرۋدىڭ تەز انىقتالىپ، كەزەكتى ەم-دوم شاراسىن تاعايىنداۋعا مۇمكىندىك بەرەدى.

تۋلۋز ۋنيۆەرسيتەتىندەگى فرانسۋز ماماندارىنىڭ ايتۋى بويىنشا، ماڭدايدا ءاجىمنىڭ كوپ بولۋى جۇرەك- قان تامىر اۋرۋىنان ولىمگە اكەلەتىن بىردەن- ءبىر بەلگى ەكەن. بۇل تۋرالى ولار ميۋنحەندە وتكەن جىل سايىنعى ەۋروپا قاۋىمداستىعى كونفەرەنتسياسىندا مالىمدەدى.

حولەستەريننىڭ جوعارى دەڭگەيى، گيپەرتونيا سەكىلدى تاۋەكەل فاكتورلارىن سەزىنۋ نە كورۋ مۇمكىن ەمەس. ءبىز كورۋگە مۇمكىن بولاتىن اجىمگە نازار اۋداردىق. تەك ادامنىڭ بەت-الپەتىنە قاراپ، ءبىز ونىڭ قانداي اۋرۋعا بەيىم ەكەنىن باقىلاي الامىز، دەدى زەرتتەۋ اۆتورى يولاندي ەسكيرول.

بۇل شارالار قاراپايىم عانا ءومىر سالتىن ۇستانۋدان تۇرۋى دا مۇمكىن، ياعني بۇلار - دەنە بەلسەندىلىگىنىڭ كۇشەيتىلۋى، اناعۇرلىم پايدالى تاعامداردى تۇتىنۋ، ت. ب.

«ارينە، ادامدا جۇرەك- قان تامىر اۋرۋلارىنىڭ بەلەڭ الۋىن بايقاساق، تاۋەكەل فاكتورىنىڭ بارلىق بەلگىلەرىن تەكسەرۋىمىز قاجەت - قان قىسىمى، قانداعى ليپيدتەر مەن گليۋكوزا دەڭگەيى، الايدا قانداي دا ءبىر نۇسقاۋلىقتاردى بىردەن بەرە الامىز»، - دەيدى ەسكيرول.

ادام قارتايعان سايىن جۇرەك- قان تامىر اۋرۋلارىنا ۇشىراۋ مۇمكىندىكتەرى كوبەيە تۇسەتىنى بەلگىلى، الايدا ۋاقتىلى كورسەتىلەتىن مەديتسينالىق كومەك، تۇراقتى ءومىر سالتى بۇل ءقاۋىپتى سەيىلتەدى. دارىگەرلەردىڭ مىندەتى- بۇل پروبلەمالاردى بارىنشا ەرتە ناقتىلاۋ.

اۆتورلاردىڭ ايتۋى بويىنشا، بۇعان دەيىنگى جۇمىستاردا قارتايۋدىڭ كورىنەتىن بەلگىلەرى جانە ولاردىڭ اعزامەن تىكەلەي بايلانىسى ءسوز بولعان ەكەن.

وسىلايشا كوز تۇسىنداعى «كوز قالتاشالارى» جۇرەك- قان تامىر اۋرۋلارىمەن بايلانىستى ەمەس بولىپ شىقتى.

الايدا بۇل اجىمدەر تەك قانا قارتايۋدىڭ ەمەس، بەلسەندى ميميكانىڭ دا بەلگىسى بولۋى ابدەن مۇمكىن. جۇرەكتىڭ اۋرۋىنا اسەرى بار دەگەن ەر ادامداردا شاشتىڭ ءتۇسۋى، كسانتەلازمالار (ليپيدتىك زات الماسۋ بۇزىلعان كەزدەگى جالپاق نە سارعىش ءۇلبىردىڭ پايدا بولۋى) جانە وزگە دە بەلگىلەر بايقالدى، الايدا بۇلار ءولىم قاۋپىنىڭ جوعارى دەڭگەيىن كورسەتپەدى.

زەرتتەۋشىلەر ماڭدايداعى كولبەۋ ورنالاسقان اجىمدەردى زەرتتەدى. زەرتتەۋ قاتىسۋشىلارى 3200 ادامدى قۇرادى، ولاردىڭ جاسى شامامەن 32، 42، 52 جانە 62 نى قۇرادى. زەرتتەۋشىلەر ولاردىڭ ماڭدايىنداعى اجىمدەرىن نولدەن ۇشكە دەيىنگى دەڭگەيمەن باقىلاپ كوردى.

عالىمدار ەرىكتىلەردى 20 جىلعا جۋىق ۋاقىت بويى باقىلاعان بولاتىن. ناتيجەسىندە، ءاجىم اناعۇرلىم تەرەڭ بولسا، سوعۇرلىم جۇرەك- قان تامىر اۋرۋلارىنىڭ ءولىمى مۇمكىن ەكەن.

اجىمدەرىنىڭ دەڭگەيى 2-3 بالمەن باعالانعانداردىڭ جۇرەك اۋرۋىنا شالدىعۋ دەڭگەيى ءنول بال العاندارعا قاراعاندا 10 ەسە جوعارى بولدى. جاس، جىنىس، قان قىسىمى، زيان ادەت، باسقا دا فاكتورلار جوندەلگەن كەزدە دە ناتيجەلەر قايتالانىپ وتىردى.

عالىم ەسكيرول: «ماڭدايىڭىزدا ءاجىم قانشالىقتى كوپ بولسا، سونشالىقتى ولىمگە اكەلەر ءقاۋىپ كوپ» دەگەن قورىتىندىعا كەلدى.

ارينە، اجىمدەر دەنساۋلىق اقاۋلىعىن باعالايتىن جاقسى ءادىس ەمەس، الايدا بۇل دارىگەردىڭ نازارىن اۋدارىپ، اناعۇرلىم ءدال ءارى ناقتى ەم- دومعا كەڭەس بەرۋگە جول اشادى. اجىمدەردىڭ جۇرەكپەن بايلانىسىن زەرتتەۋشىلەر ءالى شەشە العان جوق. ولار مۇنى اتەروسكلەروزبەن- ارتەريالاردىڭ ىشكى جاعىندا حولەستەريندى ءۇلبىردىڭ پايدا بولۋىمەن بايلانىستىرادى. ءدال وسى اتەروسكلەروز - جۇرەك تالماسىنا جانە وزگە دە جۇرەك- قان تامىر اۋرۋلارىنا الىپ كەلەتىن نەگىزگى سەبەپتەر.

زەرتتەۋشىلەردىڭ پايىمداۋىنشا، اتەروسكلەروزبەن بايلانىستى كۇيزەلىس (جاسۋشالاردىڭ وزگەرۋى) جانە كوللاگەننىڭ وزگەرۋى اجىمدەردىڭ پايدا بولۋىنا اكەلەدى. ماڭدايداعى قان تامىرلاردىڭ جىڭىشكەلىگى سونشا، ولار ءۇلبىردڭ پايدا بولۋىنا سوعۇرلىم سەزىمتال كەلەدى، وسىلايشا اجىمدەر قان تامىرلارى قارتايۋىنىڭ ەرتە بەلگىلەرى بولىپ تابىلۋى مۇمكىن.

«ماڭدايداعى اجىمدەر اتەروسكلەروز ماركەرى بولۋى ابدەن مۇمكىن، - دەيدى ەسكيرول. - بۇل جۇرەك- قانتامىر اۋرۋلارى مەن ماڭدايداعى اجىمدەردىڭ بىردەن- ءبىر بايلانىسى وسىنى نەگىزدەيتىندىگىن كورسەتەدى، سوندىقتان ناتيجەنى كەزەكتى زەرتتەۋلەر ارقىلى تەكسەرگەن دۇرىس. الايدا دارىگەرلەر بۇل مالىمەتتەردى ءقازىر دە ايتا الادى، بۇل تەگىن ءارى ءقاۋىپ اكەلمەيدى.

ينفاركت جانە ينسۋلت قاۋپى بار ادامدارعا اسپيرين قابىلداۋ ۇسىنىلادى، الايدا ءبىر توپ عالىمداردىڭ باياندامالارى بۇل پىكىردىڭ كەرەعار ەكەنىن توپشىلايدى. اسپيرين جانە پلاتسەبونى قابىلداعان 7 ەلدىڭ 12000 ادامىنان الىنعان مالىمەتتەردى عالىمدار تالداي كەلە، اسپيريننىڭ ينفاركتىڭ قاۋپىن اناعۇرلىم تومەندەتكەنىمەن، ينسۋلتكە سايكەسىنشە اسەر ەتە المايتىندىعىن ايتىپ وتىر. زەرتتەۋشىلەر اسپيريندى تەك قانا دارىگەر كەڭەسىمەن، جاقسى-جامان تۇستارىن ەسكەرە وتىرىپ قابىلداۋدى ۇسىنادى.

 

 دەرەككوز: news.mail.ru