بويجەتكەن بايقاماي قىتايلىق ازاماتقا تۇرمىسقا شىققان
بويجەتكەن كورسەتىلگەن مەكەنجايعا كەلىپ، جۇمىس جايىندا سۇراستىرماق بولعان كەزدە ونى ۇيلەنۋ تويىن ۇيىمداستىرۋشىلاردىڭ تەگىن كۋرسىنا جازىلۋعا ۇگىتتەگەن، دەپ حابارلايدى South China Morning Post.
كۋرس اياقتالعاننان كەيىن قىتايدىڭ فۋچجوۋ قالاسىندا ەمتيحان تاپسىراتىن كەزدە بويجەتكەنگە قالىڭدىقتىڭ ءرولىن سومداپ، ءوزى تانىمايتىن جىگىتپەن نەكەگە تۇرۋعا تاپسىرما بەرىلگەن. كۋرستى ۇيىمداستىرۋشىلار ەمتيحان بىتكەننەن كەيىن نەكە زاڭدى كۇشىن جوياتىنىن ايتىپ سەندىرگەن. بويجەتكەن گونكونگكە ورالعاننان كەيىن ءالى دە زاڭدى نەكەدە تۇرعانىن بىلگەن.
بويجەتكەن ءوزىنىڭ الاياقتاردىڭ قارماعىنا ءتۇسىپ، الدانعانىن سول ساتتە ءبىر-اق بىلگەن. پوليتسيا ونىڭ ارىز-شاعىمىنا اسا ءمان بەرمەگەنىمەن، بۇل ماسەلەنى شەشۋدى گونكونگ كاسىپوداقتار فەدەراتسياسى قولعا العان.
اتالمىش ۇيىم بويجەتكەننەن باسقا تاعى دا وسىلاي الدانىپ قالعان قىز-كەلىنشەكتەر كوپتەپ سانالۋى مۇمكىن دەپ بولجاپ وتىر. سەبەبى، زاڭ جۇزىندە قىتاي تۇرعىندارىنىڭ ايەلى نەمەسە كۇيەۋى گونكونگ ازاماتى بولىپ تابىلاتىن بولسا، ولار وسى قالادا تۇرىپ ءومىر ءسۇرۋ قۇقىعىنا يە بولادى ەكەن.
دەرەككوزى: Lenta.ru