استانادا قوستاناي وبلىسى اۋىل شارۋاشىلىعى ونىمدەرىنىڭ جارمەڭكەسى ءوتىپ جاتىر
جارمەڭكە رەسپۋبليكا ايماقتارىنىڭ قاتىسۋىمەن اۋىل شارۋاشىلىعى جارمەڭكەسىن وتكىزۋ تۋرالى ءىس- شارالار جوسپارى بويىنشا سايكەس ۇيىمداستىرىلعان. ونداعى ماقسات - ەلىمىزدىڭ ايماقتارىنىڭ اگروونەركاسىپ كەشەنىنىڭ جەتىستىكتەرىمەن تانىستىرۋ، باسەكەگە قابىلەتتى وتاندىق اۋىل شارۋاشىلىعى ونىمدەرىن كورسەتۋ.
ەكى كۇن قاتارىنان وتەتىن جارمەڭكەگە وبلىستىڭ 14 اۋدانى مەن 3 قالاسىنان 60-تان استام كاسىپورىندار ءوز ونىمدەرىن ساۋدالاۋعا الىپ كەلدى.
جەتكىزىلگەن اۋىل شارۋاشىلىعى ونىمدەرىنىڭ جالپى كولەمى 380 توننانى قۇرايدى، ونىڭ ىشىندە: 50 توننا مال ەتى (بارلىق ءتۇرى)، 35 توننا ءسۇت ونىمدەرى، 20 توننا شۇجىق جانە جارتىلاي دايىندالعان ونىمدەر، 30 توننا جارما جانە ماكارون ونىمدەرى، 60 توننا كارتوپ جانە كوكونىستەر، 20 توننا نان جانە كونديتەرلىك ونىمدەر، 20 توننا جۇمىرتقا، 50 توننا ۇن جانە تاعى باسقا ونىمدەر بار.
«جىل سايىن وتكىزۋ داستۇرگە اينالعان جارمەڭكە بيىل استانانىڭ 20 جىلدىعىنا ارنالىپ وتىر. قوستانايدان اۋىل شارۋاشىلىعى ونىمدەرىنىڭ بارلىق تۇرلەرىن اكەلدىك. جانە بارلىق ونىمدەردى استانا قالاسىنداعى قالىپتاسقان نارىقتان %15 دەيىن تومەندەتىلگەن باعامەن ساتىپ الۋعا بولادى. سونىمەن قاتار شارا اياسىندا كونتسەرتتىك باعدارلاما ۇيىمداستىرىلۋدا»، - دەدى قوستاناي وبلىسى اۋىل شارۋاشىلىعى باسقارماسىنىڭ مال شارۋاشىلىعى ءبولىمىنىڭ جەتەكشىسى ادىلبەك ورازبايەۆ.
اۋىل شارۋاشىلىعى ونىمدەرى جارمەڭكەسى 1-2 -قىركۇيەك كۇندەرى «قازاقستان» سپورت كەشەنىنىڭ (ق. مۇڭايتپاسوۆ كوش.، 9) جانىندا وتۋدە.