پرەزيدەنت قوعام دەنساۋلىعىن نىعايتۋعا قاتىستى زاڭ جوباسىنىڭ ماڭىزى تۋرالى ايتتى
«ماڭىزدى ماسەلەلەردىڭ ءبىرى ءوزىن- ءوزى جۇمىسپەن قامتىعانداردى الەۋمەتتىك قامسىزداندىرۋ جۇيەسىنە تارتۋعا قاتىستى. كىرىستەرىنەن ەشقانداي اۋدارىمدار جاسامايتىن حالىقتىڭ بولىگى بار، سايكەسىنشە، ولار زەينەتاقى جۇيەسىمەن ءارى الەۋمەتتىك قولداۋ شارالارىمەن تولىققاندى قامتىلماعان. وسىعان بايلانىستى قاجەتتى زاڭنامالىق وزگەرىستەر دايارلاندى. ءوزىن- ءوزى جۇمىسپەن قامتىعانداردى تىركەۋدى جەڭىلدەتۋ ءۇشىن ءبىرىڭعاي جيىنتىق تولەمىن ەنگىزۋ ۇسىنىلادى. بۇل تولەم ءوزىن-ءوزى جۇمىسپەن قامتىعاندارعا مەديتسينالىق، الەۋمەتتىك ساقتاندىرۋ، سونداي-اق زەينەتاقىلىق قامتاماسىز ەتۋ جۇيەلەرىنە قاتىسۋعا مۇمكىندىك بەرەدى. وسى وزگەرىستەردى بيىلدىڭ سوڭىنا دەيىن قابىلداۋ قاجەت»، - دەدى ەلباسى.
وسى ورايدا مەملەكەت باسشىسى بۇل ماسەلە مىندەتتى الەۋمەتتىك مەديتسينالىق ساقتاندىرۋعا كوشۋ تۇرعىسىندا ايرىقشا وزەكتى ەكەنىن اتاپ ءوتتى.
بۇدان بولەك پرەزيدەنت مەديتسينالىق كومەكتىڭ كەپىلدەندىرىلگەن كولەمىنىڭ جاڭا مودەلىن ەنگىزۋدى، قوعامدىق دەنساۋلىقتى قورعاۋ مەن مەديتسينالىق ۇيىمداردا كورپوراتيۆتىك باسقارۋ جۇيەسىن جەتىلدىرۋدى قاراستىراتىن زاڭ جوباسى ازىرلەنگەنىن ەسكە سالىپ ءوتتى.
«بۇل قۇجات پارلامەنت قاراۋىنا ەنگىزىلگەن بولاتىن. بۇل رەتتە ونى قاراستىرۋدى ۇزاققا سوزباۋدى سۇرايمىن»، - دەدى ن. نازاربايەۆ.