سوچي كوشەلەرىنە ديماشتىڭ سۋرەتتەرى قويىلدى
بۇل جايىندا حابارلاندىرۋ ءانشىنىڭ ينستاگرامداعى پاراقشاسىندا جاريا ەتىلدى، دەپ حابارلايدى قازاقپارات ءتىلشىسى.
«ديماش قۇدايبەرگەن 5 -قىركۇيەك كۇنى A'Studio توبىنىڭ شىعارماشىلىق كەشىندە ونەر كورسەتەدى. سونىمەن قاتار ول 9 -قىركۇيەك كۇنى «جاڭا تولقىن» بايقاۋىنىڭ جابىلۋ راسىمىنە ارنالعان كونسەرتتە ءان شىرقاپ، جانكۇيلەرلەرىن تاعى دا قۋانتادى. جىبەرىپ الماڭىزدار»، - دەلىنگەن ءانشىنىڭ پاراقشاسىنداعى حابارلامادا.
ايتا كەتەرلىگى، ءانشىنىڭ سوچيدە ونەر كورسەتۋ قۇرمەتىنە وراي ءار ەلدەن جينالعان جانكۇيەرلەرى قالا كوشەلەرىنە ونىڭ ۇلكەن سۋرەتتەرىن ءىلىپ قويعان. بۇل جاڭالىقتى فەيسبۋكتەگى ديماشتىڭ ەۋرازيالىق فان-كلۋبى توبىندا جەلى قولدانۋشى جانە ديماشتىڭ فاناتتارىنىڭ ءبىرى يرينا كيم جازدى.
«ديماش قازىردىڭ وزىندە سوچيدە جانە بارىنە قاراپ تۇر. ءبىز مۇنى جاسادىق، بارلىق فانكلۋبتار مەن فاناتتارعا راحمەت!!! قول ۇشىن سوزعان جانداردىڭ بارلىعىنا زور العىس، ءبىزدىڭ كۇش بىرىكتىرۋىمىزدىڭ ارقاسىندا 31 -تامىزدان 15 -قىركۇيەككە دەيىن سوچي قالاسىندا 1 ەكران، 6 بيلبورد جانە 3 پيللار افيشا ىلدىك»، - دەپ جازدى يرينا كيم.
اۆتور: مارلان جيەمباي