وزبەكستانداعى قازاق مەكتەپتەرى جاڭا وقۋلىقتارمەن قامتىلدى
وندا ۇلى ابايدان باستاپ ىبىراي مەن شاكارىم، شوقان مەن ساكەن سىندى ۇلى تۇلعالاردىڭ شىعارمالارى ارقاۋ ەتىلگەن. جالپى وزبەكستاندا بيىلعى جاڭا وقۋ جىلىندا 650 مىڭنان استام بالا ءبىلىم ۇياسىنىڭ تابالدىرىعىن اتتاماق. ونىڭ اراسىندا جۇزدەگەن قازاق بالاسى بار.
ايتا كەتەيىك، وزبەكستان قىركۇيەكتىڭ ءبىرىنشى جۇلدىزىندا ەل تاۋەلسىزدىگىن تويلايدى. سول سەبەپتى ءدارىس بىرەر كۇن كەشىگىپ باستالادى.
قالدىبەك سايدانوۆ، وزبەكستان رەسپۋبليكاسى «تۇران» اكادەمياسىنىڭ اكادەميگى:
- قازاقستانداعى وقۋلىقتاردان وزگەشەلىگى، الەم ادەبيەتى قازىناسىنان، سوسىن تۋىسقان حالىقتار ادەبيەتىنەن دەگەن ماسەلەگە ءمان بەرە باستادىق. سول ادەبيەتتىڭ ۇلى تۇلعالارىنىڭ شىعارمالارىن ونىڭ ىشىندە قازاق ادەبيەتىنە بايلانىسى بار جاعىنا ەرەكشە كوڭىل بولدىك. ماسەلەن، عافۋر عۇلام، ايبەك، مىرتەمىرلەردى الدىق. ويتكەنى ولار قازاق تاقىرىبىنا باتىل بارىپ، قازاق- وزبەك حالىقتارىنىڭ دوستىعىن، ىنتىماعىن جىرلاعان.
www.24.kz