جۇمىسقا قابىلەتتىلىك قاي ۋاقىتتا ارتادى؟

 استانا. قازاقپارات -  ادام كۇننىڭ ءبىرىنىشى بولىگىندە ءسال ەنجار، ەكىنشى بولىگىندە بەلسەندى بولادى دا، ءۇشىنشى بولىگىندە، ياعني كەشكە جاقىن جۇمىسقا قابىلەتى ازايادى ەكەن. ال مۇنى ماماندار تاجىريبەدەن وتكىزىپ، مي مەن دەنەنىڭ قاي ۋاقىتتا نەگە قابىلەتتى ەكەنىن انىقتاعان.

 • تاڭعى ساعات 6-7 - «تەرەزە» . ۇزاق مەرزىمدى جاد بارلىعىنان جاقسى جۇمىس ىستەيدى، ياعني قابىلدانعان اقپارات تەز ارادا ميعا ءسىڭىپ، ۇمىتىلماستاي جاتتالادى.

 • ساعات 8-9 ارالىعىندا لوگيكالىق ويلاۋ ىسكە قوسىلادى، بۇل كەزدە ەستە ساقتاۋعا دا، ساراپتاماعا دا بايلانىستى ىستەردى قاتار ورىنداۋعا مۇمكىندىك بار.

 • 9-10 - اقپارات جانە ستاتيستيكامەن جۇمىس ىستەۋگە ەڭ قولايلى مەرزىم.

 • ساعات 11 دەن 12 گە دەيىن ينتەللەكتۋالدىق قىزمەتتىڭ تيىمدىلىگى تومەندەيدى، بۇل كەزدە ويىڭىزدى باسقا نارسەگە بولگەن ابزال، ماسەلەن اۋەن تىڭداۋ نە فيلم كورۋ.

 • تۇسكى ساعات 11-14 ارالىعى تۇسكى اس ىشۋگە ەڭ قولايلى كەز. ناعىز ىشكەنىڭىز اسقازانعا ءسىڭىمدى بولاتىن ۋاقىت وسى.

 • الايدا 12 مەن 18 ارالىعى بەلسەندى ەڭبەك ەتۋ كەزەڭى. ودان كەيىنگى ۋاقىتتاردا مي قينالا جۇمىس ىستەيدى. ۇيقىڭىز كەلىپ، ماۋجىراپ وتىرساڭىز، ءىستىڭ بەرەكەسى بولماس.

 • كەشكى ساعات 21-23 كەزى مي مەن جۇيكە جۇيەسىن دەمالتۋعا تاپتىرماس ۋاقىت سانالادى.

 • ال 23:00 مەن 01:00 ارالىعىندا ەنەرگيا بەلسەندى تۇردە قالپىنا كەلەدى. بۇل مەرزىمدى قىتاي مەديتسيناسىندا «شي»، ال ءۇندى يوگاسىندا «پرانا» دەيدى، جۇيكە جانە بۇلشىقەتتەر تولىقتاي دەمالادى.

 • تۇنگى ساعات 1-3 كەزىندە ەموتسيونالدىق ەنەرگيا قالپىنا كەلەدى.

Massaget.kz