جولىمدى جاپتى: ناعيما ەسقاليەۆا قىسقا كيىم كيگەنى ءۇشىن ءوزىن ەفيردەن الىپ تاستاعانىن ايتتى

 استانا. قازاقپارات - حالىق ءارتىسى روزا رىمبايەۆانىڭ ورىنداۋىنداعى سەيدوللا بايتەرەكوۆتىڭ «ءاليا» ءانىن كوپشىلىك ءالى كۇنگە دەيىن ءسۇيىپ تىڭدايدى.

الايدا قازاقتىڭ باتىر قىزىنا ارنالعان تانىمال ءاندى ەڭ العاش ورىنداعان ناعيما ەسقاليەۆا ەكەنىن كوبى بىلە بەرمەيدى.

بۇل تۋرالى Gakku ارناسىنىڭ «ەسلي چەستنو» باعدارلاماسىنا سىلتەمە جاساپ Stan.kz حابارلايدى.

جاس شاعىنا ەسكە العان ناعيما ەسقاليەۆا «ءاليا» ءانىن العاش ورىنداپ شىققان كەزى تۋرالى ايتتى.

«بۇل تۋرالى كوپ جازىلعان ەدى. مەن قورقامىن. مەن قايتادان سوگەتىن بولسا شە؟» - دەيدى حالىق ءارتىسى.

ءوز سوزىندە ءانشى ءوزىن قىسقا بەلدەمشە كيگەنى ءۇشىن ەفيردەن الىپ تاستاعانىن ەسكە الدى. بۇل ءبىر ساياسات بولاتىن، دەيدى ەسقاليەۆا.

«بۇل پاتريوتتىق اندەر بايقاۋى بولدى عوي دەيمىن. سەلينوگرادتا ءوتتى. سول كەزدە وسى ءاندى ورىنداپ شىقتىم. الايدا مەنى ەفيردەن كەسىپ تاستادى. سەبەبى مەن «قىسقا» بەلدەمشە كيگەن ەدىم. ارتىنشا قانداي دا ءبىر باعدارلامادا روزا رىمبايەۆانى كورسەتتى. ول دا قىسقا بەلدەمشە كيگەن ەدى. بۇل ءبىر ساياسات بولاتىن. مەنى الىپ تاستاعىسى كەلدى»، - دەيدى حالىق ءارتىسى.

سونىمەن قاتار ناعيما ەسقاليەۆا ءوزىنىڭ جولىن جابۋعا دا تىرىسقانىن جاسىرمادى.

«مەنى ۇكىمەتتىڭ، مەرەيتويلىق كونسەرتتەرگە، ماسكەۋدە، كەڭەس وداعىنداعى قالالاردا ۇكىمەت دەڭگەيىندە وتكەن كونسەرتتەرگە قوسپايتىن. سەبەبى مەن قالالىق ەدىم. مەنى قابىلدامادى. ەگەر ماسكەۋ، «س پەسنەي پو جيزني» بايقاۋى بولماعاندا...» - دەيدى ءانشى ناعيما ەسقاليەۆا.

ايتا كەتسەك، بۇعان دەيىن ناعيما ەسقاليەۆا ونەردەگى ارىپتەسى ءدىلناز احماديەۆانى «وتە جيىركەنىشتى» دەپ اتاعان ەدى. سونداي-اق، ەرنار ايداردى «توي ءانشىسى» دەپ باعالاعانى ءۇشىن سىن استىندا قالعان روزا رىمبايەۆانى جاقتاپ شىقتى.