تۇركياداعى ەتنيكالىق قازاقتىڭ سۋرەتى جەلى قولدانۋشىلارىن ءتانتى ەتتى

  استانا. قازاقپارات - قازاقى كيىم كيىپ، دومبىراسىن ۇستاعان ەر ادامنىڭ جار باسىندا تۇسىرىلگەن سۋرەتى جەلى قولدانۋشىلارىن ءتانتى ەتكەن بولاتىن. وسى ورايدا HOLA News سۋرەتتەگى تۇلعامەن تىلدەسىپ، ءمان- جايدى ءبىلدى.

سۋرەتتەگى ەر ادام تۇركيانىڭ نيگدە قالاسىندا تۇراتىن مۇستافا كوك (Mustafa Kِk) ەسىمدى ەتنيكالىق قازاق بولىپ شىقتى. كەرەمەت كورىنىس جاريالانا سالعان بىرەر ءساتتىڭ ىشىندە ونى ون شاقتى ادام ءبولىسىپ، جۇزدەگەن ادام «like» باسىپ ۇلگەردى.

 

«ءوزىم قازاق بولعان سوڭ ءدال سول جەردە ۇلتتىق كيىممەن ءبىر سۋرەتكە تۇسسەم، دەگەن ويىم بولعان ەدى. ەشقانداي قورقىنىش بولعان جوق. قاراپايىم قويشىمىن. مال جايىپ ءجۇرىپ، مۇنداي بيىكتىككە ۇيرەنىپ قالعانمىن. قازاعىم قايدا بولسا دا امان بولسىن. اتامەكەنىم قازاقستانعا دۇعاي سالەم!» ، - دەيدى مۇستافا كوك بايلانىسقا شىققان HOLA News تىلشىسىنە.

 

سۋرەت جاقىندا تۇركياداعى گيۋللەك قورعانى (Gülek Castle) ماڭىندا تۇسىرىلگەن ەكەن. سۋرەتتىڭ اۆتورى - م. كوكتىڭ ۇلى حاليد نايىم كوك.

 

 اۆتور

ايدانا ابدراحمانوۆا