عالىمدار ادام دەنەسىنەن جاڭا اعزا تاپتى

استانا. قازاقپارات - سيدنەيدەگى گارۆان مەديتسينالىق زەرتتەۋلەر ينستيتۋتىنىڭ عالىمدارى ادام دەنەسىنەن جاڭا ميكرواعزانى تاپتى.

ول ينفەكسيانى ەكىنشى مارتە جۇقتىرىپ الماۋعا كومەكتەسەدى.

بۇل جاڭالىق تۋرالى Science Alert عىلىمي پورتالى حابارلادى.

ليمفالىق تۇيىندەردىڭ استىندا ورنالاسقان «اعزا» سۋبتۇتىكشەلىك پروليفەراتيۆتىك وشاق دەپ اتالدى. باستاپقىدا ول زەرتحانالىق تىشقانداردان، كەيىن ادامداردان تابىلعان.

اۆستراليالىق عالىمداردىڭ مالىمدەۋىنشە، بۇل اعزا قانداي دا ءبىر ينفەكسيانى ءبىر رەت جۇقتىرسا، كەلەسى جولى ونى جاقسى قورعايدى. بۇل قاسيەت «يممۋنيتەت جادى» دەپ اتالادى، وعان جادتىڭ ۆ- جاسۋشالارىن جيناقتاۋ ءتان.

بۇل تۋرالى عالىمدار بۇعان دەيىن دە ايتقان، ءبىراق ونىڭ ءدال قاي جەردە ورنالاسقانى تۇڭعىش رەت انىقتالىپ وتىر. عىلىمي زەرتتەۋمەن اينالىسىپ جاتقان ينستيتۋت قىزمەتكەرلەرىنىڭ پايىمداۋىنشا، بۇل وتە ماڭىزدى جاڭالىق.

اعزاعا ينفەكسيا تۇسكەندە اۋرۋ تۋدىرعىش باكتەريالاردىڭ سانى ءار 20-30 مينۋتتا ەكى ەسەلەنەدى. ەگەر ادامنىڭ يممۋندىق جۇيەسى ينفەكسيامەن كۇرەسۋگە «قۇرالداردى» تىم ۇزاق جيناقتايتىن بولسا، اعزا ينفەكسياعا توتەپ بەرىپ ۇلگەرمەي، ءولىپ قالادى.

 

Baq.kz