قاۋىن-قاربىزدىڭ زياندى ەكەنىن ساتىپ الاردا قالاي بىلۋگە بولادى؟

استانا. قازاقپارات - قاۋىن-قاربىزعا شىبىن-شىركەيدىڭ دە زيان كەلتىرەتىنىن بىلەسىز بە؟ زيانكەستەر زاقىمداعان جەمىستى سىرتىنا قاراپ قالاي اجىراتۋعا بولاتىنىن وقي وتىرىڭىز.

قاۋىن-قاربىزدىڭ زياندى ەكەنىن ساتىپ الاردا قالاي بىلۋگە بولادى؟

شىبىننىڭ انالىقتارى ءوسىپ كەلە جاتقان قاۋىن-قاربىزدى تەسىپ ءوتىپ جۇمىرتقالايدى. 3-4 كۇندە قۇرت پايدا بولادى، دەپ حابارلايدى 31-ارنا.

جەمىستىڭ قۇرتتاعان جەرى قويۋ قارالانىپ، ءشىري باستايدى. قازاقستانعا مۇنداي شىبىندار وزبەكستاننان كەلدى. ەلىمىزدىڭ وڭتۇستىك ايماعىندا كەزدەسەدى.

زاقىمدالعان قاۋىن-قاربىزدى سىرتىنا قاراپ تا بىلۋگە بولادى.

«قاۋىن-قاربىزدى ساتىپ الار كەزدە سىرتىندا قىزىل، قوڭىر داقتار بولسا، ونىڭ زاقىمدالعان بەلگىسى. مۇنداي جاعدايدى بازار ينسپەكتورىنا ايتۋعا بولادى. قازىر بازاردا ينسپەكتورلار جۇمىس ىستەيدى»، - دەيدى كارانتيا جاريالانعان وسىمدىكتەر جونىندەگى مەملەكەتتىك ينسپەكتسياسىنىڭ جەتەكشىسىنىڭ ورىنباسارى سىمبات قالياسقاروۆا.

ازاماتتاردىڭ شاعىمىنان سوڭ نە وزدىگىنەن تەكسەرىس جۇرگىزگەندە كۇدىككە تۇسكەن قاربىزداردى لابوروتورياعا جىبەرەدى. ەگەر زيانى انىقتالسا، جەمىستەردى لاقتىرادى.

استانادا 150 كەلى قاربىز جارامسىز بولىپ شىقتى. ولاردىڭ كوبى جامبىل وبلىسىنان اكەلىندى. يەسىنە 48 مىڭنان استام ايىپپۇل سالىندى.

شىبىندار لاستاپ كەتكەن جەمىستەر ادامعا زياندى ەمەس. ءبىراق ونى جەمەۋگە كەڭەس بەرەدى. شىبىندار اۋىلشارۋاشىلىعىنا ايتارلىقتاي زيان تيگىزۋدە. زيانكەستەر سالدارىنان

ەگىستىك ءونىم %20 عا ازايادى.