پرەمەر-مينيستر ىسكە قوسىلماي جاتقان وندىرىستەردى باقىلاۋعا الۋدى تاپسىردى
«ەلباسىنىڭ تاراپىنان قويىلىپ وتىرعان تالاپ - ول جاڭا جوعارى تەحنولوگيالىق ءونىم شىعارۋعا بايلانىستى كاسىپورىنداردى قايتا جاڭعىرتۋ. بۇل ءوز كەزەگىندە ەكسپورتقا شىعاتىن ونىمدەردىڭ دە كولەمىن ارتتىرۋعا سەپتىگىن تيگىزەدى. تاعى ءبىر ماسەلە - ول وڭدەۋشى سەكتورداعى جۇيە قۇراۋشى ءارى جاڭا ءىرى كاسىپورىندارعا قاتىستى. وسىعان اسا نازار اۋدارۋلارىڭىزدى سۇرايمىن»، - دەپ توقتالدى پرەمەر-مينيستر.
بۇدان بولەك ۇكىمەت باسشىسى ونىمدەرىن جوسپارلى دەڭگەيدە شىعارماي وتىرعان وندىرىستەرگە توقتالدى.
«بىزدە پايدالانۋعا ۋاقتىلى بەرىلمەي جاتقان كاسىپورىندار بار. سونىمەن قاتار، ىسكە قوسىلعان كاسىپورىنداردىڭ تولىق قۋاتىندا جۇمىستارىن اتقارماۋىنا بايلانىستى جاعدايلار كەزدەسۋدە. بۇل تۇرعىدا وسى باعىتتارعا ءمان بەرۋ قاجەت. اسقار ۇزاقباي ۇلى (ۇكىمەت باسشىسىنىڭ ءبىرىنشى ورىنباسارى)، اتالعان ماسەلەلەردى باقىلاۋعا الىڭىز»، - دەپ تاپسىردى ب. ساعىنتايەۆ.