قازاقستانداعى جۇك تاسىمالىنىڭ ۇشتەن ءبىر بولىگى ەكى وبلىستىڭ ۇلەسىندە

None
None
استانا. قازاقپارات - ءبىر جىل ىشىندە ەلدەگى تاسىمال كولەمى 7 پايىز ارتىپ، جۇك اينالىمى 9 پايىز وسكەن. جۇك تاسىمالىنىڭ ۇشتەن ءبىر بولىگى قاراعاندى جانە شىعىس قازاقستان وبلىستارىنا تيەسىلى، دەپ حابارلايدى Ranking.kz سايتى.

2018-جىلعى قاڭتار-شىلدە ايلارىنداعى جۇك تاسىمالىنىڭ كولەمى ءبىر جىل ىشىندە 6,7 پايىزعا كوتەرىلىپ، 2,2 ميلليارد تونناعا جەتكەن. 2017-جىلى بۇل كورسەتكىش 3,6 پايىز دەڭگەيىندە بولعان.

كولىكتىڭ بارلىق تۇرلەرىنىڭ جۇك اينالىمى ۇستىمىزدەگى جىلدىڭ قاڭتار-شىلدە ايلارىندا 333,6 ميلليارد توننا شاقىرىمدى قۇرادى. بۇل وتكەن جىلدىڭ ۇقساس مەرزىمىمەن سالىستىرعاندا 9,4 پايىزعا جوعارى. 2017-جىلدىڭ سايكەس مەرزىمىندە جىلدىق ءوسىم دەڭگەيى 7,6 پايىزدى قۇراعان.

وتكەن جىلمەن سالىستىرعاندا قازاقستان رەسپۋبليكاسى وڭىرلەرىنىڭ اراسىندا تاسىمال كولەمى تەك پاۆلودار وبلىسىندا قىسقارعان. ال قاراعاندى وبلىسى كولەمى جونىنەن كوش باستاپ تۇر. وڭىردەگى تاسىمال كولەمى 431,8 ميلليون توننانى قۇرادى. بۇل بىلتىرعى جىلدىڭ ۇقساس مەرزىمىمەن سالىستىرعاندا 7 پايىزعا جوعارى. قازاقستان بويىنشا ۇلەسى سول قالپى، وزگەرىسسىز - 19,5 پايىز.

كەلەسى كەزەكتە شىعىس قازاقستان وبلىسى تۇر. ءبىر جىل ىشىندە تاسىمال كولەمى 9,4 پايىزعا ءوسىپ، 324,5 ميلليون توننان قۇراعان. قازاقستان بوينىشا ۇلەسى 14,3 پايىزدان 14,7 پايىزعا كوتەرىلگەن.

قوستاناي وبلىسى بويىنشا ءبىر جىل ىشىندەگى تاسىمال كولەمى 3,2 پايىزعا ارتىپ، 161,8 ميلليون توننانى قۇرادى. ق ر ۇلەسى 7,6 پايىزدان 7,3 پايىزعا قىسقاردى.

سوڭعى جاڭالىقتار