10:06, 22 - تامىز 2018 | GMT +6
توقايەۆ: استانا نوسەر جاڭبىرعا دايىن ەمەس
استانا. قازاقپارات - سەنات ءتوراعاسى قاسىم-جومارت توقايەۆ نوسەر جاڭبىردان كەيىن استانانىڭ كەي تۇستارىن سۋ الىپ كەتۋگە قاتىستى شۇعىل شارالار قابىلداۋدى تالاپ ەتتى، دەپ حابارلايدى قازاقپارات.
«پرەزيدەنتتىڭ تاپسىرماسىنا قاراماستان، استانا نوسەر جاڭبىرعا جانە باسقا دا تابيعي قۇبىلىستارىنا ۇدايى دايىن ەمەس. سودان استانا تۇرعىندارى زارداپ شەگۋدە جانە ونىڭ حالىقارالىق ابىرويىنا نۇقسان كەلۋدە. بۇل ماسەلەنى ەلوردانىڭ 20 جىلدىعىنا دەيىن شەشۋ كەرەك ەدى. سەناتورلار شۇعىل شارالار قابىلداۋدى تالاپ ەتەدى»، - دەپ جازدى قاسىم-جومارت توقايەۆ تۋيتتەردەگى پاراقشاسىندا.
ايتا كەتەرلىگى، قالا اكىمدىگىنىڭ مالىمەتىنشە استانادا 20 -تامىزدان 21 ىنە قاراعان ءتۇنى جاڭبىردىڭ ءبىر ايلىق مولشەرى جاۋعان.