استانادا ءبىر تاۋلىكتەن از ۋاقىتتىڭ ىشىندە جاڭبىردىڭ ايلىق مولشەرى جاۋدى
ماماندار قاتتى جاڭبىردان كەيىنگى سۋ العان بارلىق ورىنداردى جەدەل انىقتادى. تابيعات مىنەزىنە قارسى تۇرۋ ءۇشىن 11 تازارتۋ قۇرىلعىسى، 2 سۋ سورعىش، 11 گە جۋىق ناسوستىق ستانتسيا، 110 اسسەنيزاتورلىق ماشينا جانە باسقا دا تەحنيكالار جۇمىلدىرىلدى. ايداپ قوتارىلعان سۋدىڭ كولەمى ساعاتىنا 50 مىڭ شارشى مەتردى قۇرادى.
سۋ العان ورىندارعا كوممۋنالدىق قىزمەتتەرمەن بىرگە استانا قالاسى اكىمىنىڭ ورىنباسارى قوسمان ايتمۇحامەتوۆ باردى.
«قالاداعى بارلىق وسال ورىنداردى ءبىز بىلەمىز. مىسالى، تۇران داڭعىلى بويىنشا العاشقى 20 مينۋتتا قاتتى قۇيىپ جاۋعان جاڭبىردان كەيىن سۋ جينالىپ قالدى، سوندىقتان ءبىز دەرەۋ ول جەرگە ق ر ت ج ك- نىڭ ناسوستىق ستانتسيالارىن جەتكىزدىك. بۇل سورعىش قۇرىلعىلارى ساعاتىنا 7 مىڭ شارشى مەتر سۋدى قوتارىپ ايدادى. ءبىز جاڭبىر تولاستاسا جيىلعان سۋدىڭ بىردەن كەتەتىن كوردىك. تاعى ءبىر پروبلەمالىق اۋماق - اقبۇلاق شاعىن اۋدانى جانە ب. مومىش ۇلى كوشەلەرى. وندا ورنالاستىرىلعان تازالاۋ قۇرىلعىلارى قازىرگى تاڭدا جوندەۋدەن وتۋدە، سونداي-اق ول جەردە جول، قۇرىلىس جۇمىستارى جۇرگىزىلۋدە.
قالا جىلدام وسكەندىكتەن ءبىز ءقازىر جوبا ازىرلەپ جاتىرمىز، قۋاتتىلىعىن ارتتىرىپ، 4 قوسىمشا باسسەين قويامىز. قازىرگى ۋاقىتتا، ۋاقىتشا ەكى ناسوستىق ستانتسيا جانە ءبىر ۇلكەن ستانتسيا قويىلعان. ولار 7 مىڭ شارشى مەتر سۋدى قابىلداي الادى. ەكىنشى وسال نۇكتە بۇل بارايەۆ كوشەسى بويىنشا. جاڭبىر توقتاعان سوڭ 30-40 مينۋت ىشىندە سۋ تاسقىنىن جويامىز. بۇگىندە 110 نان استام اسسينەزاتورلىق ماشينا قالانىڭ كوشەلەرىنە شىقتى، الايدا ولار وسىنداي كولەمدەگى سۋدى سورۋدا ۇلكەن ءرول وينامايدى.
ءبىز ساعاتىنا 50 مىڭ تەكشە مەتر سۋدى ايداپ جاتىرمىز، بۇل تاۋلىگىنە شامامەن 1 ميلليون 200 ءدى قۇرايدى. كوشەلەردەگى جاڭبىر سۋىن نوسەرلىك سۋ كارىزدەرى رەتتەيدى» - دەدى تۇنگى رەيد بارىسىندا استانا قالاسى اكىمىنىڭ ورىنباسارى قوسمان ايتمۇحامەتوۆ.
بۇگىندە قالاداعى نوسەرلىك كاناليزاتسيالار جۇيەسى 13 تازالاۋ قۇرىلعىسىنان جانە 3 ساقتاۋ توعانىنان، 18,9 مىڭ باقىلاۋ جانە جاڭبىرسۋى قۇدىقتارىنان، 398,8 كيلومەتر تارتا نوسەر كوللەكتورى ماگيسترالدى كوللەكتورلارىنان جانە ناۋا ارىقتار جۇيەسىنەن تۇرادى. ولار 12,93 مىڭ گەكتار اۋماقتى ۇستىڭگى سۋ جيىندىلارىنىڭ كەتۋىن قامتاماسىز ەتەدى. تازارتۋ قۇرىلعىلارىنىڭ جيىنتىق قۋاتتىلىعى تاۋلىگىنە 215,46 مىڭ تەكشە مەتردى قۇرايدى.
2018-جىلدىڭ سوڭىنا دەيىن بولىنگەن قارجىلاندىرۋدى ەسكەرە وتىرىپ، 2 ت ق- نىڭ (لوگيستيكالىق ورتالىق اۋدانىندا، م-2 كولىكتىك ايىرما اۋدانىندا) قۇرىلىسىن اياقتاۋ، 7 جاڭبىرلىق سۋ كارىزىندەگى 7 ناسوستىق ستانتسيانى (مەچتا ءسۇ، ش. قۇدايبەردى ۇلى كوشەسىندە، ابىلاي حان داڭعىلىندا، سىعاناق جانە ساۋران كوشەلەرى قيىلىسقان ايماقتا، رەسپۋبليكا داڭعىلىنداعى جەراستى وتكەلى ورنالاسقان ايماقتا، فرانسۋز كۆارتالى تۇك ايماعىندا، «استانا ارەنا» ستاديونى ايماعىندا) 2 اعىس كاناليزاتسيانىڭ ماگيسترالدى كوللەكتورى، (عابدۋللين كوشەسىندە، الاش تاس جولىنداعى جولايىرىقتا) جوندەۋ جوسپارلانۋدا.
اتالعان ايماقتاردى ەكسپۋلاتاتسياعا ەنگىزۋ سۋ جينايتىن ورىندى 609,4 گەكتارعا دەيىن ۇلكەيتۋگە مۇمكىندىك بەرەدى، مىقتى جيىنتىقتالعان تازالاۋ قۇرىلعىلارىنىڭ تاۋلىگىنە 12,2 مىڭ تەكشە مەترگە دەيىن ءوسۋىن قامتامىز ەتەدى.
قازىرگى ۋاقىتتاعى جاعداي نوسەرلى جاۋىن-شاشىنعا قاراماستان، باقىلاۋدا تۇر. بارلىق كوممۋنالدىق قىزمەتتەر كۇشەيتىلگەن دەڭگەيدە جۇمىس جاساپ جاتىر. سۋ تاسقىنىنىڭ نەگىزگى ورىندارى قالپىنا كەلتىرىلگەن.
سينوپتيكتەردىڭ ايتۋىنشا، ءبىر كۇننەن از ۋاقىتتىڭ ىشىندە جاۋعان جاڭبىردىڭ كولەمى ايلىق كورسەتكىشتەن اسىپ ءتۇستى. سونىمەن قاتار، اۋا رايى بولجامى بويىنشا استاناداعى جاڭبىرلى اۋا رايى 3 تاۋلىككە ساقتالادى.
«ءبىز قازىر ماڭگىلىك ەل كوشەسىندە تۇرمىز. سول جاعالاۋداعى 27№ كوشە، ۇلى دالا، سىعاناق، كەرەي مەن جانىبەك حاندار كوشەلەرىنەن كەلەتىن سۋدىڭ بارلىعى تۇران كوشەسىنە قاراي اعىپ جاتىر. وندا ءبىزدىڭ تازالاۋ قۇرىلعىلارىمىز ورنالاسقان. وسىنىڭ ەسەبىنەن، كورىپ وتىرعاندارىڭىزداي، بارلىق نەگىزگى ماگيسترالداردى سۋ الماعان. ياعني، بارلىق نوسەرلىك سۋ كارىزدەرى تولىققاندى جۇمىس جاساۋدا»، - دەپ اتاپ ءوتتى ول.
ق. ايتمۇحانبەتوۆتىڭ ايتۋى بويىنشا، ءاربىر داۋىلدى ەسكەرتۋ كەزىندە الدىن الا بارلىق تازالاۋ قۇرىلعىلارىنىڭ جۇمىس جاساۋى تەكسەرىلەدى. سونداي-اق، ول «ءبىز ءتۇسىپ جاتقان بارلىق وتىنىشتەردى قاراستىرىپ جاتىرمىز، سالدارىن جويۋ بويىنشا جۇمىستار ءتۇنى بويى جۇرگىزىلدى»، - دەپ مالىمدەدى.