ا ق ش- تىڭ مەملەكەتتىك حاتشىسى قۇربان ايت مەرەكەسىمەن قۇتتىقتادى
«بۇكىل مۇسىلماندار قاجىلىقتىڭ اياقتالۋىندا اتاپ وتەتىن قۇربان ايت مەرەكەسى قابىل بولسىن! قۇربان ايت مەرەكەسى - الەم مۇسىلماندارى وزدەرىنىڭ وتباسىلارىمەن جانە دوستارىمەن بىرلەسە، بەيبىتشىلىك پەن جاناشىرلىق رۋحىندا دۇعا ەتەتىن ۋاقىتى. وسى كەزەڭدە مۇسىلمان قاۋىمداستىعىنىڭ مۇشەلەرى نيەت ەتىپ، قايىرىمدىلىق جاسايدى، قيىنشىلىقتارعا تاپ بولعاندارعا جومارتتىلىق پەن كومەك جاساۋدىڭ ماڭىزدىلىعىن كورسەتە بىلەدى. مەيىرىمدىلىكتىڭ بۇل ارەكەتتەرى ءبارىمىز ءۇشىن ۇلگى بولا الادى. مەملەكەتتىك دەپارتامەنت اتىنان مەرەكەنى تويلايتىن دۇنيە جۇزىندەگى دوستارىمىزعا، سەرىكتەستەرىمىزگە جانە وداقتاستارىمىزعا تاعى دا شىن جۇرەكتەن ۇلىق مەرەكە مۇباراك بولسىن!»، - دەلىنگەن قازاقستانداعى ا ق ش ەلشىلىگىنىڭ رەسمي پاراقشاسىندا.
ايتا كەتەيىك، بۇگىن - ورازا ايتتان كەيىن 70 كۇننەن سوڭ باستالىپ، 3 كۇنگە سوزىلاتىن قۇربان ايت مەرەكەسىنىڭ العاشقى كۇنى.
قۇربان ايت - الەمدەگى مۇسىلمان قاۋىمنىڭ ەڭ قاسيەتتى مەرەكەسى. مەرەكەنىڭ ءۇش كۇنىندە مۇسىلماندار قۇربان شالادى.