بيشىمبايەۆپەن بىرگە سوتتالعان جاقىپوۆ بوساتىلادى
حابارلامادا «استانانىڭ الماتى اۋداندىق 2№ سوتى 14- تامىزدا سوتتالۋشى ا. ك. جاقىپوۆتىڭ مەرزىمىنەن بۇرىن بوستاندىققا جىبەرۋ تۋرالى ءوتىنىشىن قاناعاتتاندىرعانى» ايتىلعان.
جاقىپوۆتى بوساتۋدىڭ سەبەبى رەتىندە سوت ونىڭ مىنەزدەمەسىن، «قاماۋدا ارتىق ەشتەڭە ايتپاي، تۇرمە ءتارتىبىن ورىنداپ، جازاسىنىڭ ۇشتەن ەكىسىن وتەگەنىن» اتاپ وتكەن.
سوت شەشىمىندە اسلان جاقىپوۆتى مەرزىمىنەن بۇرىن بوساتۋ تۋرالى قاۋلى ءالى كۇشىنە ەنبەگەنى جازىلعان. سوت شەشىمىنە قاتىستى 15 كۇن ىشىندە شاعىم تۇسسە نەمەسە پروكۋرور قارسى بولسا، ءوتىنىش قايتا قارالۋى مۇمكىن.
اسلان جاقىپوۆ 14- ناۋرىزدا بۇرىنعى ۇلتتىق ەكونوميكا ءمينيسترى قۋاندىق بيشىمبايەۆپەن بىرگە سوتتالعان. وعان دەيىن سوت تەرگەۋى كەزىندە جاقىپوۆ پارا العانىن مويىنداپ، «قىلمىستىق قيتۇرقىلىققا ۇرىنىپ قالعانىن» ايتىپ، بيشىمبايەۆاقا قارسى كۋالىك ەتكەن. ول - پارلامەنت ءماجىلىسىنىڭ ەكس-سپيكەرى، قازىر دەپۋتات قابيبوللا جاقىپوۆتىڭ ۇلى.
«ازاتتىق»