يتاليادا قيراعان كوپىر ورنىندا ىزدەستىرۋ جۇمىستارى توقتاتىلدى
سوڭعى مالىمەتتەرگە سايكەس، تاعى 3 ادامنىڭ دەنەسى تابىلدى. سونىمەن، وسى اپاتتان قازا تاپقاندار سانى 43 كە جەتتى. ءىس-ءتۇسسىز جوعالعاندار جوق. ازىرگە 9 كىسى اۋرۋحانادا جاتىر. ولاردىڭ تورتەۋىنىڭ جاعدايى وتە اۋىر.
وسىعان دەيىن قۇربان بولعاندارمەن قوشتاسۋ ءراسىمىن يتاليا ۇكىمەتى ۇيىمداستىرعانى تۋرالى حابارلاندى. الايدا، قايتىس بولعانداردىڭ كەيبىرەۋلەرىنىڭ تۋىستارى بيلىككە نارازىلىق رەتىندە جەكە جەرلەۋ راسىمدەرىن وتكىزدى. سەبەبى ولار قايعىلى وقيعاعا مەملەكەتتىك ۇيىمداردى كىنالايدى.
ولار «ەگەر ينفراقۇرىلىمدى ءجىتى باقىلاۋدا ۇستاعاندا، مۇنداي ادام شىعىنى بولماس ەدى» دەگەندى العا تارتتى.
ءوز كەزەگىندە ۇكىمەت الداعى ۋاقىتتا ەلدەگى جولداردى ءقاۋىپسىز ەتىپ، مۇنداي وقيعالاردىڭ الدىن الۋعا ۋادە بەردى.
ەسكە سالا كەتەيىك، 14- تامىزدا 50 مەتر بيىكتىكتە ورنالاسقان 200 مەترلىك ەستاكادا بولىگى وپىرىلىپ ءتۇستى. سول ساتتە كوپىردىڭ ۇستىندە 40 شاقتى كولىك بولعان.