10:12, 21 - تامىز 2018 | GMT +6
وزبەكستاننىڭ پرەمەر-ءمينيسترى وتىرعان كولىك اپاتقا ۇشىرادى
تاشكەنت. قازاقپارات - وزبەكستاننىڭ پرەمەر-مينيستر ابدۋللا اريپوۆ جول-كولىك وقيعاسىنا ۇشىرادى، دەپ حابارلايدى قازاقپارات وزبەكستان باس پروكۋراتۋراسىنىڭ سايتىنا سىلتەمە جاساپ.
جول-كولىك وقيعاسى 20- تامىزدا «كاراسۋ - بۋكا - بەكاباد» تاسجولىندا بولعان. ەلدىڭ پرەمەر-ءمينيسترى جانە ونىڭ ورىنباسارى اليشەر سۋلتونوۆ، پرەزيدەنت اپپاراتىنىڭ جاۋاپتى قىزمەتكەرى قۇربانوۆ وتىرعان Mercedes-Benz كولىگىنە Damas ميكروۆەن سوعىلعان.
حابارلاماعا قاراعاندا، ميكروۆەننىڭ جۇرگىزۋشىسى باحتيەر سايدوۆ كولىگىن باسقارا الماي قالىپ، قارسى باعىتتاعى كولىكپەن سوقتىعىسقان.
كولىك وقيعاسىنان پرەمەر-مينيستر ابدۋللا اريپوۆ جەڭىل جاراقاتتانسا، ال ونىڭ ورىنباسارىنىڭ اياعى، قابىرعاسى سىنعان. قۇربانوۆتى دارىگەرلەر قاراپ، ۇيىنە جىبەردى.
وزبەكستاننىڭ باس پروكۋتۋراسى وسى كولىك اپاتىن تەكسەرىپ جاتىر.