15:17, 21 - تامىز 2018 | GMT +6
قازاقستاندىق كاسىبي بوكستاعى العاشقى قادامىن جەڭىسپەن باستادى
استانا. قازاقپارات - قازاقستاندىق بوكسشى ءومىرباي ءجانتىل كاسىبي بوكستاعى العاشقى جەڭىسىنە قول جەتكىزدى، دەپ حابارلايدى قازاقپارات الەۋمەتتىك جەلىدەگى «قازاقستاننىڭ كاسىبي بوكسى» توبىنا سىلتەمە جاساپ.
ماسكەۋدە وتكەن بوكس كەشىندە جارتىلاي سالماقتاعى بوكسشى ءومىرباي ءجانتىلدىڭ قارسىلاسى رەسەيلىك ۆيكتور سەلەزنيەۆ بولدى. بۇل ەكى سپورتشىنىڭ دا كاسىبي رينگتەگى العاشقى جەكپە- جەكتەرى.
ءومىرباي ءجانتىل قارسىلاسىنىڭ وزىنەن ۇزىن بولۋىنا قاراماستان العاشقى سەكۋندتاردان-اق ءوزىنىڭ كاسىبي مىقتىلىعىن كورسەتە ءبىلدى. ول ۆ. سەلەزنيەۆتى بىرنەشە رەت قاتارىنان سوققىلاپ، قارسىلاسىنا مۇمكىندىك بەرمەدى. ەكى رەت نوكداۋىن الىپ قالعان ۆ. سەلەزنيەۆ ايقاستى جالعاستىرعىسى كەلگەنىمەن، تورەشى باسەكەنى توقتاتتى.
بوكسشىنىڭ كەلەسى كەزدەسۋى 8- قىركۇيەك كۇنى سانكت-پەتەربۋرگتە فيرۋزا شاريپوۆانىڭ جەكپە-جەگىنىڭ اندەركارتىندا وتكىزەدى.
ايتا كەتسەك، ف. شاريپوۆا اتالعان بوكس باسەكەسىندە ءو. ءجانتىلدىڭ قاسىندا بولدى.