نايزاعاي، بۇرشاق، جاۋىن - سەيسەنبىگە ارنالعان اۋا رايى

استانا. قازاقپارات - اتموسفەرالىق اۋا اعىنداردىڭ وتۋىنە بايلانىستى رەسپۋبليكانىڭ باسىم بولىگىندە نايزاعاي جارقىلداپ، جاڭبىر، بۇرشاق جاۋادى. ەلدىڭ وڭتۇستىگىندە شاڭدى داۋىل سوعادى. بۇل تۋرالى قازاقپارات قازگيدرومەتكە سىلتەمە جاساپ حابارلايدى.

تۇندە جانە تاڭەرتەڭ سولتۇستىك جارتىسىندا تۇمان كۇتىلەدى.

سولتۇستىك قازاقستان، قاراعاندى وبلىستارىندا جەلدىڭ جىلدامدىعى 15-20، كەي جەرلەرىندە 23-28 م/س جەتەدى، كۇندىز بۇرشاق بولۋى مۇمكىن.

اقمولا، پاۆلودار، شىعىس قازاقستان، تۇركىستان وبلىستارىندا داۋىل بولىپ، تۇمان تۇسەدى، كۇندىز بۇرشاق بولۋى مۇمكىن.

قوستاناي، الماتى، جامبىل وبلىستارىنىڭ كەي جەرلەرىندە جەلدىڭ جىلدامدىعى 15-20 م/س، تۇندە جانە تاڭەرتەن تۇمان تۇسەدى.

قىزىلوردا، تۇركىستان وبلىستارىنىڭ باسىم بولىگىندە، جامبىل، اقتوبە، اتىراۋ، ماڭعىستاۋ، قوستاناي، قاراعاندى وبلىستارىنىڭ كەي جەرلەرىندە ءورت قاۋپى ساقتالادى.