استانا اۆتوبۋستارىندا جولاقىنى تەلەفون ارقىلى تولەۋگە بولادى
«جاقىن ارادا كوبرەندينگتىك كارتالاردى شىعارامىز. وسى ارقىلى جولاۋشى ەكى كارتانىڭ ورنىنا ءبىر كارتامەن ءجۇرۋ (قوسارلى چيپ) مۇمكىندىگىنە يە بولادى. قولدانۋشىعا كولىك كارتاسىن ساتىپ الۋ مىندەتتەلمەيدى. ءاربىر جولاۋشى ءوز بانكىنە بارىپ، قوسارلى كارتا الا الادى» ، - دەپ حابارلادى استانا LRT.
پيلوتتىق جوبا اياسىندا العاشقى 3-5 مىڭ كارتا ەۋرازيالىق بانكپەن بىرلەسىپ شىعارىلماق. الداعى ۋاقىتتا باسقا بانكتەردە دە ىسكە قوسۋ جوسپارلانىپ وتىر. ودان بولەك، جاقىن ارادا قوعامدىق كولىك پايدالانۋشىلارى كولىك كارتاسىن ۇيالى تەلەفون ارقىلى قاشىقتان تولتىرۋ مۇمكىندىگىنە يە بولادى.
Beeline جانە Kcell / Activ ۇيالى بايلانىس وپەراتورلارىنىڭ ابونەنتتەرى كولىك كارتاسىنىڭ ءنومىرىن جانە قىسقا نومىرگە تولەم سوماسىن كورسەتە وتىرىپ، بالانستى تولتىرا الادى. بۇل قاراجاتتار تەلەفون بالانسىنان كارتا بالانسىنا كوشەدى.
سونداي- اق، Beeline پەن Kcell / Activ سايتتارى (www.beemoney.beeline.kz جانە www.mobimoney.kz) ارقىلى، سونىڭ ىشىندە ۇيالى قوسىمشالار مەن پورتالداردىڭ ءموبيلدى نۇسقالارى ارقىلى كولىك كارتاسىن تولىقتىرۋعا بولادى.
قاشىقتىقتان تولتىرۋ ءۇشىن:
- «ەۋرازيالىق بانك» ا ق ينتەرنەت- بانكينگى - smartbank.kz؛
- «CapitalBank Kazakhstan» ا ق ينتەرنەت- بانكينگى - b1nk.kz؛
- «ەۋرازيالىق بانك» ا ق تەرمينالدارى قولجەتىمدى؛