21:35, 20 - تامىز 2018 | GMT +6
قازاقستان قورجىنىنا ەكىنشى «كۇمىس» ءتۇستى
استانا. قازاقپارات - قازاقستاندىق بالۋان جۇلدىز ەشىموۆا يندونەزيادا ءوتىپ جاتقان جازعى ازيا ويىندارىندا كۇمىس مەدال جەڭىپ الدى، دەپ حابارلايدى قازاقپارات ءتىلشىسى.
ازيا ويىندارى اقپاراتتىق سايتىنداعى دەرەكتەرگە سايكەس، 53 كەلىگە دەيىنگى سالماق دارەجەسىندە سىنعا تۇسكەن جۇلدىز ەشىموۆا اقتىق سىندا سولتۇستىك كورەيا وكىلى پاك يۋنگ ميدەن 11:0 ەسەبىمەن جەڭىلىپ، قازاقستان قورجىنىنا ەكىنشى «كۇمىس» سالدى.
العاشقى جارىس كۇنىنىڭ قورىتىندىسى بويىنشا، قازاقستان قۇراماسى التى مەدالمەن جالپى ەسەپتە وزبەكستانمەن قاتار ونىنشى ورىنعا جايعاستى.
مۇحتار قاليموللا ۇلى