ەلوردا بيۋدجەتىنە تۇسەتىن سالىق كولەمى ارتىپ كەلەدى

استانا. قازاقپارات - ەلوردا بيۋدجەتىنە تۇسەتىن سالىق كولەمى ارتىپ كەلەدى. بۇل تۋرالى بۇگىن استانا قالالىق ستراتەگيالىق جانە بيۋدجەتتىك جوسپارلاۋ باسقارماسىنىڭ باسشىسى راسۋل ورازعۇلوۆ ايتتى، دەپ حابارلايدى قازاقپارات.

«قالا دامۋىنىڭ ەكونوميكالىق كورسەتكىشتەرى ديناميكاسىن ەسكەرەر بولساق، اعىمداعى جىلدىڭ قاڭتار- شىلدەسىندە استانا بيۋدجەتىنە تۇسكەن كىرىس كولەمى 136,2 ميلليارد تەڭگەنى قۇراپ وتىر. 2017 -جىلدىڭ سايكەس كەزەڭىمەن سالىستىرعاندا ءوسىم 2,4 پايىزدى قۇرايدى. ونىڭ ىشىندە سالىق تۇسىمدەرى 126 ميلليارد تەڭگەنى قۇراپ، 3,6 پايىز ءوسىم كورسەتتى» ، - دەدى ول ەلوردا اكىمدىگىندە وتكەن قوعامدىق تىڭداۋ بارىسىندا.

ونىڭ ايتۋىنشا، وسىعان بايلانىستى قالانىڭ جالپى كىرىسىنىڭ جىلدىق بولجامىن 6 ميلليارد 10 ميلليون 479 تەڭگەگە ۇلعايتۋ ۇسىنىلادى. اتالعان سومانىڭ 3 ميلليارد تەڭگەسىن سالىق تۇسىمدەرى، 1,4 ميلليارد تەڭگەسى سالىقتىق ەمەس تۇسىمدەر جانە 1,6 ميلليارد تەڭگەسىن نەگىزگى كاپيتالدى ساتۋدان تۇسكەن تۇسىمدەر قۇرايدى.

«وسىلايشا، استانا قالاسىنىڭ ناقتىلانعان بيۋدجەتىنىڭ جالپى كولەمى ەنگىزىلەتىن وزگەرتۋلەردى ەسەپكە العاندا 433 ميلليارد تەڭگە 246 مليليون تەڭگەنى قۇراپ، جىل باسىندا بەكىتىلگەن بيۋدجەت 13 پايىزعا نەمەسە 52 ميلليارد 11 ميلليون تەڭگەگە ارتادى» ، - دەدى ول.