21:08, 20 - تامىز 2018 | GMT +6
چەرنوگوريادا سۋعا باتقان ايەلدەردى قۇتقارۋعا ۇمتىلعان قازاقستاندىق مەرت بولدى
استانا. قازاقپارات - چەرنوگوريادا سۋعا باتقان ايەلدەردى قۇتقارعىسى كەلگەن 41 جاستاعى قازاقستان ازاماتى تاڭات سماعۇلوۆ كوز جۇمدى، دەپ حابارلايدى قازاقپارات.
ق ر سىرتقى ىستەر مينيسترلىگىنىڭ «قازاقپارات» تىلشىسىنە بەرگەن جاۋابىنا سايكەس، قايعىلى وقيعا 16 - تامىز كۇنى ۋلتسين قالاسىندا بولعان.
«ول چەرنوگورياعا دوستارىمەن دەمالۋ ءۇشىن بارعان. سول كەشتە تەڭىزدە ۇلكەن تولقىندار بولدى. ءبىزدىڭ وتانداسىمىز سۋعا اعىپ كەتكەن ەكى ايەلدى كورىپ، كومەككە ۇمتىلعان. ەكى ايەل دە جاعاعا شىقتى، ءبىراق قازاقستاندىقتىڭ ءوزى سۋدان شىعا المادى» ، - دەپ حابارلادى سىرتقى ىستەر مينيسترلىگىنىڭ باسپا ءسوز قىزمەتى.
قايعىلى وقيعا ورنىنا قازاقستان كونسۋلى باردى جانە مارقۇمنىڭ جاقىندارىمەن بايلانىس ورناتىلدى.
«بۇگىن بارلىق قاجەتتى قۇجاتتار راسىمدەلدى، مارقۇمنىڭ ءمايىتى ەرتەڭ تاڭعى ۋاقىتتا پەتروپاۆل قالاسىنا جىبەرىلەدى» ، - دەپ مالىمدەدى ق ر س ءى م.