ەۋروپادا قازاقستاندىق انيماتسيالىق فيلم تانىستىرىلدى

None
None
 استانا. قازاقپارات - لاتۆيا استاناسى ريگادا شاحماتتان جاسوسپىرىمدەر اراسىنداعى ەۋروپا چەمپيوناتىندا قازاقستاندىق «شاحمات پاتشالىعى» 3D انيماتسيالىق فيلمىنىڭ تانىستىرىلىمى ءوتتى، دەپ حابارلايدى قازاقپارات ءتىلشىسى.

«ريگادا 8 بەن 18 جاس ارالىعىنداعى ەر جانە قىز بالالار اراسىندا شاحماتتان ەۋروپا چەمپيوناتى باستالدى. چەمپيوناتتىڭ اشىلۋ سالتاناتىندا «شاحمات پاتشالىعى» انيماتسيالىق فيلمىن تانىستىردىم. اۋديتوريا كەڭ اۋقىمدى بولدى 47 ەلدەن 1 080 بالا، ودان بولەك اتا- انالار، باپكەرلەر جانە سۋديالار بار. قۇرمەتتى قوناقتاردىڭ ىشىندە كيرسان يليۋمجانوۆ، لاتۆيانىڭ قارجى ءمينيسترى جانە حالىقارالىق گروسسمەيستەر دانا رەيزنيەتسە- وزولا، ودان بولەك ءبىلىم ءمينيسترى، ريگا قالاسىنىڭ مەرى ورىنباسارى، دەپۋتاتتار، جۋرناليستەر، شاحمات شەنەۋنىكتەرى جانە تاعى باسقالار بولدى» ، - دەدى قازاقستاندىق شاحماتشى، حالىقارالىق گروسسمەيستەر دارمەن ءسادۋاقاسوۆ فەيسبۋكتەگى پاراقشاسىندا.

 ايتا كەتەيىك، «شاحمات پاتشالىعى» ق ر اقپارات جانە كوممۋنكاتسيالار مينيسترلىگىنىڭ قولداۋىمەن، «بالاپان» تەلەارناسىنىڭ تاپسىرىسىمەن «د. ءسادۋاقاسوۆ اتىنداعى شاحمات اكادەمياسى» دايىنداعان 32 سەريادان تۇراتىن انيماتسيالىق فيلم. مۋلتفيلم 3D فورماتتا جانە ءۇش تىلدە ازىرلەنگەن.

Еуропада қазақстандық анимациялық фильм таныстырылды

Еуропада қазақстандық анимациялық фильм таныстырылды

سوڭعى جاڭالىقتار