استانادا شۇعىل كومەك قىزمەتتەرىنىڭ نومىرلەرى بىرىكتىرىلمەك

 استانا. قازاقپارات - ەلوردادا جەدەل مەديتسينالىق كومەك پەن ءورت ءسوندىرۋ قىزمەتتەرىنىڭ نومىرلەرىن ءبىر جۇيەگە بىرىكتىرۋ جوسپارلانىپ وتىر.

 بۇل تۋرالى iKomek مونيتورينگ جانە جەدەل ارەكەت ەتۋ ورتالىعىنىڭ جەتەكشىسى جاننات دۋبيروۆا ءمالىم ەتتى، دەپ حابارلايدى قازاقپارات.

وسى باعىتتاعى جۇمىستار باستالعانىنا توقتالعان ول، «قازىرگى كەزدە جۇمىستاردىڭ ەكىنشى كەزەڭىن پىسىقتاپ جاتىرمىز، بۇل تۇرعىدا مينيسترلىكتەرمەن كەلىسىمنەن ءوتۋ كەرەك. سەبەبى ءورت ءسوندىرۋدى، پوليتسيانى جانە جەدەل جاردەمدى بىرىكتىرۋ ءۇشىن ىشكى ىستەر جانە دەنساۋلىق ساقتاۋ مينيسترلىكتەرى ءتيىستى شارالاردى ىسكە اسىرۋ قاجەت. سول كەزدە بىزدە 101, 102, 103 نومىرلەرى جويىلىپ، بولاشاقتا تەك 112 جانە 109 بولادى. ياعني ا ق ش- تا سەكىلدى اتالعان ەكى نومىرگە عانا تەلەفون شالۋعا بولادى» ، - دەدى ج. دۋبيروۆ.

بۇل جۇمىستار امەريكالىق قىزمەتتەر ىسپەتتەس ىسكە اسىرىلىپ جاتىر. ياعني ا ق ش- تا شۇعىل كومەك قاجەت كەزدە 911 نومىرىنە حابارلاسادى. ال ەگەر شۇعىل ەمەس ماسەلەلەر بولسا، وندا 311 نومىرىنە قوڭىراۋ شالادى.

ايتا كەتەيىك، iKomek مونيتورينگ جانە جەدەل ارەكەت ەتۋ ورتالىعى 2017 -جىلى «109 كەزەكشىلىك قىزمەتى» م ب مەن استانا قالاسى اكىمدىگىنىڭ احۋالدىق باقىلاۋ ورتالىعىنىڭ بەينەباقىلاۋ مونيتورينگى توبىنىڭ بىرىگۋى اياسىندا قۇرىلعان ەدى. اتقارىلاتىن جۇمىستىڭ باستى ماقساتى - اپاتتار مەن جازاتايىم وقيعالاردىڭ الدىن الۋ ءۇشىن كوممۋنالدىق جانە جەدەل قىزمەتتەردىڭ جۇمىسىن ۇيلەستىرۋ ءارى باقىلاۋ. سونىمەن قاتار، ورتالىقتا ازاماتتاردىڭ وتىنىمدەرىن قابىلداۋ ىسكە اسىرىلادى. وندا قالا بويىنشا ورناتىلعان 4 مىڭنان اسا بەينەباقىلاۋ قۇرىلعىلارى باسقارىلادى.