فرانسياداعى ايگىلى كينوفەستيۆالدە قازاقستاندىق رەجيسسەردىڭ تۋىندىسى كورسەتىلەدى

None
None
 استانا. قازاقپارات - قازاقستاندىق رەجيسسەر ءادىلحان ەرجانوۆتىڭ «ءتۇن قۇدايى» فيلمى رەجيسسەردىڭ رەتروسپەكتيۆاسى بويىنشا فرانسيادا كورسەتىلەدى، دەپ حابارلايدى قازاقپارات ءتىلشىسى «قازاقفيلم» كينوستۋدياسىنىڭ باسپا ءسوز قىزمەتىنە سىلتەمە جاساپ.

قىركۇيەك ايىنىڭ 5-16 - ارالىعىندا پاريج قالاسىندا وتەتىن «L'Etrange Festival» فرانتسۋز كينوفەستيۆالىنىڭ ارنايى «Focus» باعدارلاماسىندا رەجيسسەر ءا. ەرجانوۆتىڭ بارلىق فيلمدەرى كورسەتىلەدى. بۇل فيلمدەردىڭ قاتارىندا قر مادەنيەت جانە سپورت مينيسترلىگىنىڭ تاپسىرىسىمەن ش. ايمانوۆ اتىنداعى «قازاقفيلم» كينوستۋدياسىندا تۇسىرىلگەن «ريەلتور» ، «قوجايىن» ، ء«تۇن قۇدايى» سىندى كارتينالار بار.

 فەستيۆالدى ۇيىمداستىرۋشىلار ءوز تاڭداۋلارى تۇرعىسىندا: «ەرجانوۆتىڭ كينەماتوگرافياسىن قايتالانبايتىن تۋىندىلار قۇرايدى. ول جۇمباق الەم سەكىلدى جانە ونىڭ شەكسىز ينتەرپرەتاتسياسى مەن كرەاتيۆتىلىگىن تۇتاستاي الىپ باعالاۋعا بولادى. بۇل جۇمباق الەمدى ءتۇسىنۋ ءۇشىن ونىڭ بارلىق كوركەم فيلمدەرىن جيناقتاپ، «Focus» باعدارلاماسىندا كورسەتۋ كەرەك» دەپ تۇسىنىك بەرگەن.

بۇل جايىندا رەجيسسەر ءادىلحان ەرجانوۆ «L'Etrangە» فەستيۆالى وزىنە «قاراتاس اۋىلىنداعى وبا» فيلمىنەن كەيىن نازار اۋدارعانىن ايتادى.

«ولار «ءتۇن قۇدايى» ءفيلمىن كورسەتۋدى قالاپ، ونى تۇتاس ءبىر جىل كۇتتى. ءبىر جاقسىسى، ولار وسىنشا ۋاقىت فيلمدى كۇتە الدى. ءبىز دە ولارعا جەتكىزە العان سەكىلدىمىز. مەنىڭشە، ولار فيلمدەرىمە ەۋروپالىق كينوسىنشىلاردىڭ نازارىن اۋدارعىسى كەلەدى، سەبەبى، مەنىڭ فيلمدەرىم ولارعا قىزىقتى. ولارعا جاڭاشا تۇسىرىلگەن فيلمدەر كەرەك» ، - دەپ وي ءبولىستى رەجيسسەر.

ФранциядаÒ

 ايتا كەتەرلىگى، «L'Etrange Festival» شيرەك عاسىرعا جۋىق ۋاقىت وتكىزىلىپ كەلەدى. بۇل فەستيۆال «ەرەكشە، قايتالانبايتىن، سيرەك، جوعارى دەڭگەيدەگى» فيلمدەرگە ارنالعان. فەستيۆال باعدارلاماسىندا نەگىزگى بايقاۋ (لارس فون تريەردىڭ «دجەك تۇرعىزعان ءۇي» فيلمى كورسەتىلەتىن) مەن قىسقامەتراجدى فيلمدەردىڭ بايقاۋىنان بولەك، بايقاۋدان تىس باعدارلامادا جاپون جاڭا تولقىنىنىڭ فيلمدەرىنىڭ كورسەتىلىمى، اڭىزعا اينالعان «Nikkatsu» جاپون ستۋدياسىنىڭ فيلمدەرىنىڭ رەتروسپەكتيۆاسى، سونداي- اق «جاڭا تالانتتار» ، «دەرەكتى كينو» باعدارلامالارى بار.

ФранциядаÒ

سوڭعى جاڭالىقتار