نۇرسۇلتان نازاربايەۆ كوفي انناننىڭ تۋعان- تۋىسقاندارى مەن جاقىندارىنا كوڭىل ايتتى
دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
مەملەكەت باسشىسى بىرىككەن ۇلتتار ۇيىمىنىڭ بۇرىنعى باس حاتشىسى كوفي انناننىڭ قايتىس بولعانى تۋرالى حاباردى زور كۇيزەلىسپەن قابىلدادى.
«كوفي اننان حالىقارالىق دەڭگەيدەگى تانىمال ساياساتكەر رەتىندە بۇكىل عۇمىرىن الەمدە تۇراقتىلىق پەن بەيبىتشىلىك ورناتۋعا ارنادى.
وسىدان ءبىراز جىل بۇرىن كوفي اننان سىندى پاراساتتى، ادال ءارى مەيىربان تۇلعامەن تانىستىم. جاھاندىق دامۋدىڭ وزەكتى ماسەلەلەرىنە قاتىستى ۇستانىمدارىمىز ۇقساس بولاتىن. مەن ءالى كۇنگە دەيىن كەزدەسۋلەرىمىز بەن ءوزارا اڭگىمەلەسكەن ساتتەرىمىزدى جىلى سەزىممەن ەسكە الامىن»، - دەلىنگەن جەدەلحاتتا.
نۇرسۇلتان نازاربايەۆ بارشا قازاقستان حالقىنىڭ جانە جەكە ءوزىنىڭ اتىنان ك. انناننىڭ تۋعان- تۋىسقاندارى مەن جاقىندارىنا، سونداي- اق بىرىككەن ۇلتتار ۇيىمىنا كوڭىل ايتتى.