ەكى اياعىنان ايرىلعان اقتوبەلىك كاسىپكەر مۇگەدەك جانداردى جۇمىسقا ورنالاستىرادى

None
None
اقتوبە. قازاقپارات - «اۋىلدىق جەردە مۇمكىندىگى شەكتەۋلى جاندارعا جۇمىس تابۋ وڭاي ەمەس» دەيدى كاسىپكەر، «شالقار ساياسى» بىرلەستىگىنىڭ ءتوراعاسى، ءى توپ مۇگەدەگى ەرلان الداشيەۆ، دەپ حابارلايدى قازاقپارات ءتىلشىسى.

1993 -جىلى ەرلان پويىزدىڭ استىندا قالىپ قويىپ، ەكى اياعىنان ايرىلعان بولاتىن. ءبىراق ونىڭ ەڭسەسى تۇسكەن جوق. وعان قالىڭدىعى التىناي قولداۋ كورسەتتى. اۋرۋحانادان شىققان سوڭ ەرلان وعان ۇيلەنۋگە ۇسىنىس جاسادى، قىز كەلىستى. سودان بەرى 25 جىل ءوتىپتى. بۇگىندە الداشيەۆتەر وتباسى ءۇش بالا تاربيەلەپ وتىر. ەرلان ءوزىنىڭ سۇيىكتى كاسىبى - تەلەديدار جوندەۋمەن اينالىسادى.

«بالا كەزدەن تەحنيكا مەن ەلەكترونيكاعا جاقىن بولدىم. ۇيدە نە كورسەم، ءبارىن جوندەيتىنمىن. ءبىر كۇنى كورشىم راشيد بۇزىلعان تەلەديدارىن جوندەتۋگە اكەلدى. جوندەپ بەردىم. سوسىن ول اقشا بەردى، مەن العىم كەلمەدى. ءبىراق كورشىم دەگەنىنەن قايتپاي، العىزدى. قىزىق بولعاندا سول كۇندەرى تاعى ەكى كورشىمنىڭ تەحنيكالارى ىستەن شىعىپ، ماعان اكەلدى. وسىلايشا وسى ماڭداعى بۇكىل تەلەديداردى جوندەۋشى شەبەرگە اينالىپ شىعا كەلدىم»، - دەيدى ەرلان.

كاسىبىنەن بولەك، ەرلان مۇگەدەك جاندارعا تەحنيكا جوندەۋدى ۇيرەتەدى جانە ولاردى جۇمىسقا الادى.

«اۋىلدا مۇمكىندىگى شەكتەۋلى تۇرماق، ساۋ ادامنىڭ وزىنە جۇمىس تابۋ قيىن. سوندىقتان ءوزىم دە مۇگەدەك بولعان سوڭ ولاردى جاقسى تۇسىنەمىن. ولارعا جۇمىس تاۋىپ بەرۋ - مەنىڭ پارىزىم دەپ بىلەم» ، - دەيدى ەرلان الداشيەۆ.

ەكى جىل بۇرىن ەرلان تەلەديدار جوندەيتىن قۇرال- سايمان ساتىپ الۋ ءۇشىن «دامۋ» قورىنان گرانت الدى. ال 2015 -جىلى تۇرمىستىق قىزمەتتەر كورسەتەتىن عيمارات تۇرعىزۋ ماقساتىندا نەسيە راسىمدەدى. جاڭا سەحتا مۇگەدەكتىگى بار 5 ادام جۇمىس ىستەيدى، ولار - ۋقالاۋشى، تىگىنشى، ەكى مەحانيك جانە كاسىپكەردىڭ ءوزى.

Екі аяÒ

تاياۋدا ەرلان «ارەكەت» جوباسى اياسىندا 500 مىڭ تەڭگە گرانت ۇتىپ الدى. وسىلايشا الەۋمەتتىك كاسىپكەرلىكتى دامىتۋعا مۇمكىندىك الدى. ەندى ول قارجىعا ەرلان الداشيەۆ اۋىلداعى كەمتار جاندارعا ءوز كاسىبىن ۇيرەتەتىن كابينەت اشۋدى جوسپارلاپ وتىر. ءبارىن مەڭگەرىپ العان ۇعىمتال شاكىرتتەرىن ءوز كاسىپورنىنا جۇمىسقا الادى.

«2017 -جىلى «شالقار ساياسى» دەپ اتالاتىن قوعامدىق بىرلەستىكتى قۇردىق. ول قايىرىمدىلىقپەن جانە شالقار اۋدانىنداعى مۇگەدەكتەر ماسەلەسىن شەشۋمەن اينالىسادى. سودان بەرى مۇگەدەكتەردىڭ بالالارىنا شىرشا ۇيىمداستىردىق، ولاردىڭ مۇڭ- مۇقتاجىن تىڭداۋ ءۇشىن قوعامدىق قابىلداۋلار وتكىزدىك. مىسالى، ءبىر تۇرعىننىڭ ۇيىنە سۋ كىرگىزۋگە سەبىمىز ءتيدى. ءبىراق شالقاردا تۇراتىن مۇگەدەكتەردىڭ ەڭ وزەكتى ماسەلەسى - ينۆا تاكسي. ارنايى جابدىقتالعان كولىك بولماسا، مۇگەدەكتەر ەشقايدا شىعا المايدى. قازىر ءبىز ونى ساتىپ الۋ ءۇشىن قاراجات جيناپ جاتىرمىز. ءبىراق ول قىمبات تۇرادى - 7 ميلليون تەڭگە. ودان بولەك، مۇگەدەكتەردى وڭالتۋ ءۇشىن يپپوتەراپيا ۇيىمداستىرۋ ويدا بار»، - دەپ ءوز جوسپارىمەن ءبولىستى ەرلان الداشيەۆ.

اۋدارما: جانات قاپالبايەۆا

سوڭعى جاڭالىقتار