جانارتاۋدا قامالىپ قالعان جىگىت اشتان ولمەس ءۇشىن ءبىر اپتا بويى ارا جەگەن

 استانا. قازاقپارات - وگايو شتاتىنىڭ تۇرعىنى مەتيۋ ماتەني بىرنەشە كۇنگە دوستارىنا كەلدى. ونىڭ جولداستارى تاڭ اتىسىمەن جۇمىستارىنا كەتىپ قالدى.

ال جىگىت بولسا ولاردىڭ كولىگىن الىپ، سەنت- حەلەست جانارتاۋىنىڭ تۋريستەرگە ارنالعان سوقپاعىمەن ءجۇرىپ وتۋگە شەشىم قابىلدادى. تۋريست تابيعاتتىڭ سۇلۋلىعىنا تامسانامىن دەپ ءجۇرىپ، قالاي اداسىپ كەتكەنىن دە بايقامادى، دەپ جازادى Stan.kz.

«مەن ول جەردىڭ كولى وتە ادەمى ەكەندىگى جايلى وقىعان بولاتىنمىن. سوندىقتان ونى ءوز كوزىممەن كورگىم كەلدى. سەبەبى، ۆۋلكاندا سۋ قويماسىنىڭ بولۋى وتە سيرەك كەزدەسەتىن قۇبىلىس جانە عاجايىپ نارسە. مەن سەرۋەندەپ ءجۇرىپ، سوڭىندا عانا اداسىپ كەتكەنىمدى ءتۇسىندىم. وعان قوسا جولدا اياعىمنان شالىنىپ قۇلاپ، جوتامدى اۋىردىم الدىم. بۇل جاعداي ول جەردەن شىعۋعا ەكى ەسە كەدەرگى كەلتىردى»، - دەيدى جىگىت.

مەتيۋ كەشكى اسقا كەلمەگەندە دوستارى ونى ىزدەپ دابىل قاقتى. ولار جاقىن ماڭداعى ەلدى مەكەندەردى تەكسەرىپ جۇرگەن پوليتسيا قىزمەتكەرلەرىن اياعىنان تىك كوتەردى. ءبىراق، جىگىتتى ىزدەستىرۋ شاراسى ءساتسىز بولدى. دەگەنمەن، پوليتسەيلەر Subaru Outback جانارتاۋىن كورىپ قالىپ، جوعالعان جىگىتتى سول جەردەن ىزدەۋ كەرەكتىگىن ءتۇسىندى. وسىدان كەيىن ولار مەتيۋدىڭ ناقتى ورنالاسقان جەرىن انىقتاۋ ءۇشىن درون مەن تىكۇشاق پايدالاندى.

«مەن ءبىر اپتا بويى كومەك كۇتىپ وتىردىم. اشتىقتان ولمەۋ ءۇشىن، ارا مەن ورمان جيدەكتەرىن جەۋگە تۋرا كەلدى»، - دەيدى مەتيۋ ماتەني.

باقىتىمىزعا وراي، قۇتقارۋشىلار مەتيۋدى امان-ەسەن تاۋىپ، اۋرۋحاناعا جەتكىزدى. دارىگەرلەر ءبىر اپتا بويى جانارتاۋدا تۇنەگەن جىگىتتى تەكسەرىپ شىعىپ، ونىڭ جاراقات الماعانىن انىقتادى. ءبىر تاڭعالارلىعى، مەتيۋ ارامەن تاماقتانعاننان كەيىن ونىڭ بىردە-ءبىر اعزاسىنا زيان كەلمەگەن.