يران بيلىگى تۋريزم سالاسىن دامىتۋعا كۇش سالماق

تەگەران. قازاقپارات - يراننىڭ مادەني مۇرالار، ونەركاسىپ جانە تۋريزم ۇيىمىنىڭ باسشىسى ءالي اسگار مۋنەسان يرانعا كەلەتىن شەتەلدىك تۋريستەردىڭ ءتولقۇجاتىنا ەلگە كىرەردە شتامپى باسپاۋدى كوزدەيتىن زاڭ جوباسىن ماقۇلدادى.

 بۇل تۋرالى «قازاقپارات» ح ا ا  ي ر ن ا اگەنتتىگىنە سىلتەمە جاساپ حابارلايدى.

مۋنەساننىڭ ايتۋىنشا، مۇنداي شارالار ا ق ش- تىڭ سانكسيالارىنا بايلانىستى قاراستىرىلىپ وتىر. وسى ارقىلى يران بيلىگى تۋريزم سالاسىن دامىتۋعا كۇش سالماق.

مۋنەساننىڭ ايتۋىنشا، يرانعا كەلەتىن تۋريستەردىڭ سانى 2018 -جىلدىڭ ءبىرىنشى توقسانىندا (2018 -جىلدىڭ 20 ناۋرىزىنان باستاپ)  % 38 ارتقان. ءبىراق ەۋروپادان كەلەتىن قوناقتاردىڭ ۇلەسى ازايىپ، بۇل، ءوز كەزەگىندە، ءتورت جانە بەس جۇلدىزدى قوناقۇيلەردىڭ جۇمىسىنا كەرى اسەرىن تيگىزگەن.