استانادا «مەكتەپكە جول» اياسىندا بالالارعا وقۋ قۇرالدارى تاراتىلدى
60 قا تارتا بالا ەكسپو كورمەسىن تەگىن ارالاپ، مەكتەپكە قاجەتتى جابدىقتارمەن قامتاماسىز ەتىلدى. بۇلدىرشىندەر قۋىرشاق تەاترىنىڭ ونەرىن دە تاماشالادى. جالپى پارتيانىڭ «بىرلىك» فيليالى استانا بويىنشا جىل سايىن شامامەن 650 بالاعا كومەك كورسەتىپ كەلەدى. قايىرىمدىلىق شاراسىنا كاسىپكەرلەر مەن ءتۇرلى ۇيىمدار قولداۋ جاسايدى.
«قالاسا كوپ بالالى وتباسىلار فەيسبۋك، الەۋمەتتىك جەلىلەر، ينستاگرام ارقىلى نۇر وتان پارتياسى «بىرلىك» فيليالىنا ءوتىنىش بىلدىرسە بولادى. ودان بولەك تاۋەلسىزدىك، 3 عيماراتى ارقىلى سول جەرگە بارىپ ءوتىنىشى ءبىلدىرىپ، وزدەرىنىڭ بالالارىنىڭ تىزىمدەرىن، قاي سىنىپقا باراتىنىن ايتسا، ءبىز قولدان كەلگەنشە كاسىپكەرلەردىڭ، ۇيىمداردىڭ نەگىزىندە كومەك كورسەتەمىز»، - دەيدى «نۇر وتان» پارتياسى «بىرلىك» فيليالى ءتوراعاسىنىڭ ءبىرىنشى ورىنباسارى شىڭعىسحان قوجاحمەتوۆ.