دۇيسەنبىدە ەلىمىزدە جاۋىن-شاشىندى اۋا رايى ساقتالادى
قاتتى جەل تۇرىپ، وڭتۇستىكتە شاڭدى داۋىل بولۋى مۇمكىن. تۇندە جانە تاڭەرتەڭ سولتۇستىك وڭىرلەردە تۇمان تۇسەدى دەپ كۇتىلۋدە، دەپ حابارلايدى قازاقپارات قازگيدرومەتكە سىلتەمە جاساپ.
«قازگيدرومەتتىڭ» مالىمەتىنشە، 20- تامىزدا اقمولا، قوستاناي وبلىستارىنىڭ كەي جەرلەرىندە نايزاعاي ويناپ، داۋىل تۇرادى. جەلدىڭ ەكپىنى سەكۋندىنا 15-20 مەترگە دەيىن كۇشەيەدى. بۇرشاق جاۋىپ، تۇندە جانە تاڭەرتەڭ تۇمان ءتۇسۋى مۇمكىن.
سولتۇستىك قازاقستان وبلىسىندا دا كەي جەرلەردە كۇشتى جەل سوعىپ، بۇرشاق جاۋۋى ىقتيمال.
پاۆلودار، قاراعاندى وبلىستارىنىڭ كەي جەرلەرىندە كۇن كۇركىرەپ، جەلدىڭ ەكپىنى 15-20 م/س جەتەدى. بۇرشاق جاۋادى دەپ كۇتىلۋدە.
قىزىلوردا وبلىسىنىڭ كەي ايماقتارىندا كۇن كۇركىرەپ، داۋىل سوعادى. جەلدىڭ ەكپىنى - 15-20 م/س. بۇرشاق جاۋۋى مۇمكىن.
جامبىل وبلىسىندا دا سولاي - داۋىل، نايزاعاي. جەلدىڭ قارقىنى - 15-24 م/س.
شىعىس قازاقستاندا جانە تۇندە اقتوبە وبلىسىندا كۇن كۇركىرەپ، جەل سەكۋندىنا 15-20 سەكۋندقا دەيىن كۇشەيەدى.
تۇركىستان وبلىسىنىڭ كەي جەرلەرىندە شاڭدى داۋىل بولادى. جەلدىڭ ەكپىنى - 15-23 م/س. كۇندىز كۇن كۇركىرەيدى.
اتىراۋ وبلىسىندا تۇندە قاتتى جەل تۇرادى.
ماڭعىستاۋ وڭىرىندە تۇندە كەي جەرلەردە كۇن كۇركىرەيدى.
الماتى وبلىسىندا اپتاپ ىستىق بولادى.
قىزىلوردا، تۇركىستان، جامبىل، اقتوبە، اتىراۋ، ماڭعىستاۋ، قوستاناي جانە قاراعاندى وبلىستارىندا توتەنشە ءورت قاۋپى ساقتالادى.