پرەزيدەنت قانداي بولۋى كەرەك - نۇرسۇلتان نازاربايەۆتىڭ پىكىرى
«پرەزيدەنت بولىپ تۋمايدى، پرەزيدەنت بولىپ قالىپتاسادى. بۇل رەتتە ادامنىڭ ءبىر عانا جەكە قاسيەتى ازدىق ەتەدى. جوعارى جاۋاپكەرشىلىگى مول ادام بولۋ كەرەك. پرەزيدەنت - ول ەرەكشە تەكتى ساياساتكەر، شەشىمدەرى ميلليونداعان ادامنىڭ تاعدىرىمەن بايلانىسى بار ساياساتكەر. بۇل جاۋاپكەرشىلىكتى تۇسىنە ءبىلۋ كەرەك. ۋاقىتتىڭ تىنىسىن، ءوز حالقىڭنىڭ تىرشىلىگىن ءتۇسىنىپ، سەزىنۋ قاجەت»، - دەدى ەلباسى.
نۇرسۇلتان نازاربايەۆ ءوزى جايىندا ايتا كەلە، حالقىنىڭ جان- دۇنيەسىن سەزىنبەۋى مۇمكىن ەمەستىگىن باسا ايتتى.
«مەن شالعايداعى اۋىلدا وسكەن قازاقپىن. جۇمىسشى بولات قورىتۋشىدان باستاپ، مەملەكەتتىك باسقارۋ بيلىگىنىڭ بارلىق ساتىسىنان ءوتتىم. بۇكىل قازاقستاندى، بارلىق وبلىستى، بارلىق اۋداندى، بارلىق اۋىلدى ارالاپ شىقتىم. وسى جىلداردىڭ ىشىندە بارلىق جەردە مەنى تانىدى. حالىقتىڭ نە قالايتىنىن قالايشا سەزىنبەيىن» - دەدى ق ر پرەزيدەنتى.