نۇرسۇلتان نازاربايەۆ ارمانىن ايتتى

استانا. قازاقپارات - قازاقستان پرەزيدەنتى نۇرسۇلتان نازاربايەۆ قازاقستاندىقتاردىڭ باقۋاتتى ءومىر سۇرگەنىن ارماندايدى. بۇل جايىندا ەلباسى ق ر پرەزيدەنتىنىڭ تەلەراديوكەشەنى تۇسىرگەن «تاريح سىنىندا» دەرەكتى فيلمى ءۇشىن بەرگەن سۇحباتىندا ايتتى،

 دەپ حابارلايدى قازاقپارات ءتىلشىسى.

 «بارلىق ۋاقىتتا دا «دامۋ باعدارلاماسى نەلىكتەن 2030 -جىلعا دەيىن؟»  دەپ سۇرايدى. 90- جىلدان 30- جىلعا دەيىن 40 جىل. مۇسا ءجۇرىپ وتكەن جول 40 جىلعا سوزىلدى، وسى ارالىقتا ول حالقىن 40 جىل بويى قۇم اراسىندا الىپ ءجۇردى. 2030 -جىلعا قاراي، مەنىڭشە، قازاقستاندا باقۋاتتى ەلدە ءومىر سۇرەتىن مۇلدەم جاڭا بۋىن، جاڭا ادامدار بولادى. مىنە، مەنىڭ ارمانىم وسى»، - دەدى سۇحبات بارىسىندا نۇرسۇلتان نازاربايەۆ.

قازاقستان پرەزيدەنتى كەز كەلگەن قوعامنىڭ باستى نەگىزى ادام ەكەندىگىن اتاپ ءوتتى. سونىمەن قاتار، ءاربىر قازاقستاندىق ءۇشىن، ەل ءۇشىن قاجەتتى دەپ ساناعان دۇنيەنىڭ بارلىعىن ءوزىنىڭ مانساپ جولىندا جۇزەگە اسىرعانىن باسا ايتتى. مۇنان بولەك مەملەكەت باسشىسى بيلىكتىڭ بارلىق ۋاقىتتا دا سىنعا ۇشىرايتىندىعىن، دەگەنمەن ول ادامدار ءۇشىن ازىق- تۇلىك پەن كيىم- كەشەك سياقتى كادۋىلگى قاجەتتىلىك ەكەندىگىنە نازار اۋدارتتى.

«ويلاپ كورىڭىزدەرشى، بيلىك جوق دەلىك. ال بۇل كۇشتىلەردىڭ السىزدەردەن تارتىپ الۋى، كۇشتىلەردىڭ السىزدەرگە زورلىق- زومبىلىق كورسەتۋى، كەمسىتۋى. تۇسىنەسىزدەر مە، بيلىك تەك بيلىككە عانا ەمەس، سونىمەن قاتار حالىققا دا قاجەت»، - دەدى ەلباسى.