قىتايدا قازاق اۋدارماشىلارى باس قوستى - شەتەلدەگى قازاق ءتىلدى ب ا ق- قا شولۋ
***
تۇركى ويىندارىنىڭ فەستيۆالى
«ەرزۋرۋمدا ءبىرىنشى رەت ۇيىمداستىرىلعان تۇركى ويىندارى فەستيۆالى اياقتالدى. فەستيۆالدە ۇلتتىق ساداق اتۋ، كوكپار جانە باسقا دا ءتۇرلى سپورتتىق ويىندار جۇرتتىڭ ەرەكشە ىقىلاسىنا بولەندى»، - دەپ جازادى تۇركيا تەلەۆيزيا جانە راديو پورتالى.
ءۇش كۇنگە سوزىلعان ويىنداردىڭ سوڭعى كۇنى بۇكىل الەمدىك ەتنوسپورت كونفەدەراتسياسىنىڭ ءتوراعاسى بيلال ەردوعان دا فەستيۆالگە كەلدى.
«الەمدەگى بارلىق مادەنيەتكە ەرەكشە قۇرمەت كورسەتۋى كەرەك. ءتۇرلى مادەنيەتتىڭ جاساۋىنا ۇلەس قوسۋى قاجەت. ءبىز دە ۇلتتىق سپورت تۇرلەرىنىڭ قايتادان جاندانۋىن قالايمىز» دەدى بيلال ەردوعان.
***
قىتايدا تۇراتىن ءۇش قانداسىمىز ازيادا ويىندارىندا باق سىنايدى - «جەنمين جيباو»
يندونەزيا استاناسى دجاكارتادا وتەتىن 18- جازعى ازيا ويىندارىندا قىتايدا تۇراتىن ءۇش قانداسىمىز اتالعان ەلدىڭ اتىنان سىنعا تۇسەدى. بۇل تۋرالى «جەنمين جيباو» باسىلىمى ءمالىم ەتتى.
ايتالىق ەركىن كۇرەس تۇرىنەن 65 كەلى سالماق دارەجەسىندە ەرلانبەك كاتەي ۇلى سىنعا تۇسەدى. ول وسىدان ءتورت جىل بۇرىن وڭتۇستىك كورەيانىڭ ينچحون قالاسىندا وتكەن ازيا ويىندارىندا قولا مەدال جەڭىپ العان بولاتىن. سونداي- اق، قىتاي قۇراماسىنىڭ قاتارىندا ريو- دە- جانەيرو وليمپياداسىنا قاتىسقان. ەكىنشى قازاق سپورتشىنىڭ ەسىمى - ءۋاليحان سەرىك ۇلى. ول دجاكارتادا گرەك- ريم كۇرەسىنەن باق سىنايدى.
ءۋاليحان سەرىك ۇلى 59 كەلى سالماقتا قىتايدىڭ ىشكى بىرىنشىلىگىندە ەكى مارتە قولا جۇلدەگەر اتانعان. ال ءۇشىنشى قانداسىمىز - بوكسشى توقتاربەك تاڭاتقان ۇلى. ول ازيا ويىندارىندا 75 كەلى سالماقتا شارشى الاڭعا شىعادى.
***
قىتايدا قازاق اۋدارماشىلارىنىڭ جيىنى ءوتتى - قىتايدىڭ «ورتالىق حالىق راديوسى» (CNR)
اقساي قازاق اۆتونوميالى اۋدانىندا قازاق ءتىلدى اۋدارماشى ماماندارىنىڭ عىلىمي- تالقىلاۋ ءماجىلىسى ءوتتى، دەپ حابارلايدى قىتايدىڭ «ورتالىق حالىق راديوسى».
قىتاي ۇلتتار اۋدارما مەكەمەسىنىڭ ۇيىمداستىرۋىمەن وتكەن عىلىمي كونفەرەنسيانىڭ باستى ماقساتى - ۇلتتىق ٴ اۋدارما قىزمەتىن ونان ءٴارى جاقسارتۋ، جاڭا اتاۋ- تەرميندەردى جۇيەگە ءتۇسىرىپ، بەكىتۋ. عىلىمي كونفەرەنتسياعا قىتايداعى بەلگىلى قازاق جازۋشىلارى مەن زيالى قاۋىم وكىلدەرى قاتىسقان. جيىن سوڭىندا، قىتاي ۇلتتار اۋدارما ورتالىعى قازاق ءبولىمنىڭ مەڭگەرۋشىسى باقىتبەك توقتاسىن ۇلى بەيجىڭدەگى ۇلتتار باسپاسىنان شىققان «زاڭ- ەرەجە تۇسىندىرمە سوزدىگى» سونداي- اق، وسى اۋدارما ورتالىعى زەرتتەپ جاساعان، مەملەكەتتىك پاتەنت قۇقىعىن ەنشىلەگەن قازاقشا اۋدارما كومپيۋتەرلىك باعدارلاماسى تانىستىرىلىپ، اقساي قازاق اۆتونوميالىق اۋداننىنىڭ اكىمى قاليبەك سۇلتان ۇلىنا تارتۋ ەتىلگەن.
***
كاحرامانماراشتا 14 مىڭ جىلدىق ولجا تابىلدى - TRT
كاحرامانماراشتا ءبىر ۇڭگىردە زامانىمىزدان بۇرىنعى 14 مىڭ جىلعا ءتان ايۋ مەن سۋساردىڭ باس سۇيەكتەرى تابىلدى. بۇل تۋرالى تۇركيا تەليەۆيزيا جانە راديو پورتالى جازادى.
ونيكيشۋبات اۋدانىنداعى ديرەكلي ۇڭگىرى كوپتەگەن ارحەولوگيالىق ولجالار تابىلعان ورىن. بۇل جەردەن 20017 -جىلىنان بەرى جالعاسىپ جاتقان قازبا جۇمىستارىندا ماڭىزدى ولجالار قولعا ءتۇستى. ەڭ سوڭعى ۇڭگىردىڭ ىشىندە دوڭگەلەك ءپىشىندى ەرەكشە ورىن بايقالعان. بۇل جەردە 14 مىڭ جىلدىق بولعانى مەجەلەنگەن ايۋ مەن سۋساردىڭ باس سۇيەكتەرى تابىلدى. 11 جىل بويى جالعاسقان قازبا جۇمىستارىنىڭ 2019 -جىلى اياقتالادى دەپ كۇتىلۋدە.
***
ساحارانىڭ شۇبىرعان تۇيەلەرى- تيان- شان پورتالى
قىتايدىڭ گانسۋ ولكەسىندەگى «قوڭىراۋلى قۇم» ساياحات ايماعىنداعى شۇبىرعان تۇيەلەر كەرۋەنى تۋريستەردى ەرەكشە سەزىمگە جەتەلەيدى.
ءشول- جازيرانى كوركەم- كورنىسكە بولەگەن ساحارا «كەمەلەرىنىڭ» سىزعان سۋرەتتەي ادەمى بەينەسىن تيان- شان پورتالىنىڭ فوتوءتىلشىسى نىساناعا الىپتى. نازارلارىڭىزعا وسى فوتورەپورتاجدى ۇسىنامىز.
اۆتور: ريزابەك نۇسىپبەك ۇلى