ادەبي «التىن توبىلعى» بايقاۋىنا ءوتىنىم قابىلدانىپ جاتىر
كونكۋرسقا قاتىسۋ ءۇشىن 18 بەن 35 جاس ارالىعىنداعى جاس قازاقستاندىق اۆتورلار شاقىرىلادى. بۇرىن ەش جەردە جاريالانباعان ەڭبەكتەر عانا قارالادى. كونكۋرستىڭ قۇرىلتايشىسى جانە ۇيىمداستىرۋشىسى - قازاقستان رەسپۋبليكاسى تۇڭعىش پرەزيدەنتى - ەلباسىنىڭ قورى. كونكۋرستىڭ ارىپتەستەرى: قازاقستان جازۋشىلار وداعى جانە مەملەكەتتىك ءتىلدى دامىتۋ قورى. جەڭىمپازدار (جۇلدەنىڭ لاۋرەاتتارى) 2018 -جىلعى جەلتوقساننىڭ ءبىرىنشى ونكۇندىگىندە جاريالانادى. تولىعىراق www.fpp.kz. سايتىندا.
«ۇزدىك پروزا»، «ۇزدىك پوەزيا»، «ۇزدىك دراماتۋرگيا»، «بالالارعا ارنالعان ۇزدىك شىعارما». وسى ءتورت نوميناتسيا بويىنشا ءاربىر جەڭىمپازعا 1,5 ميلليون تەڭگە بەرىلەدى. بيىلعى كونكۋرستىڭ ەرەكشەلىگى - «استانانىڭ 20 جىلدىعىنا ارنالعان ۇزدىك شىعارما» ارنايى تاقىرىپتىق نوميناتسيا. كونكۋرستىڭ قازىلار القاسىنىڭ قۇرامىنا قازاقستان رەسپۋبليكاسىنىڭ مادەنيەت قايراتكەرلەرى، قازاقستاندىق ادەبيەتشىلەر جانە جۋرناليستەر كىردى.
كونكۋرستىق جۇمىستار جانرعا سايكەستىگى، وزىندىك ويلاۋ قابىلەتى، اۆتورلىق ۇستانىمى، بايانداۋ بىرىزدىلىگى جانە كوزقاراسى، يدەيانىڭ سونىلىعى، ادەبي- كوركەمدىك قۇندىلىعى، قيالى مەن شىعارماشىلىق ءادىسى، ەموتسيالىق جانە ەستەتيكالىق اسەرىنىڭ تەرەڭدىگى. «التىن توبىلعى» جۇلدەسى جىل سايىن ادەبيەتتەگى جاڭا ەسىمدەردى اشادى، جاس قالامگەرلەردىڭ ومىرلىك فيلوسوفياسىن بەينەلەيتىن قازىرگى زامانعى ادەبيەتتى دامىتۋعا كومەكتەسەدى.