مەكتەپ ديرەكتورىن اتا- انالار سايلايدى

استانا. قازاقپارات - بيىلدان باستاپ مەكتەپ ديرەكتورلارىن تاعايىنداۋ ەرەجەلەرى وزگەردى، دەپ حابارلايدى قازاقپارات ءتىلشىسى.

قازاقستاندا مەكتەپ فورماسىنىڭ ۇلتتىق ستاندارتى بەكىتىلدى يسەكەشيەۆ ەكى مەكتەپ پەن ءبىر بالاباقشانىڭ جاۋاپتى تۇلعالارىنا قاتاڭ سوگىس بەردى ق ر ءبىلىم جانە عىلىم ءمينيسترى ەرلان ساعاديەۆتىڭ ايتۋىنشا، الداعى ۋاقىتتا مەكتەپ ديرەكتورلارىنىڭ كاسىبي دەڭگەيىن كوتەرۋ ماسەلەسىنە باسا نازار اۋدارىلادى. وسىعان بايلانىستى ديرەكتورلاردى تاعايىنداۋ قاعيدالارى وزگەردى.

«جاڭا قاعيدالارعا سايكەس ۇمىتكەر 4 ەتاپتان تۇراتىن كونكۋرستان وتەدى. الدىمەن مەكتەپتىڭ قامقورشىلىق كەڭەسىنەن ءوتۋ كەرەك. ودان كەيىن زاڭناما تەستى، وبلىستىق ءبىلىم باسقارماسىنىڭ كەلىسۋى، اۋداندىق، قالالىق ءبىلىم بولىمدەرىندەگى سۇحبات بار. مەكتەپ ديرەكتورى تەك 4 جىلعا تاعايىندالادى. ءارى قاراي جۇمىس ىستەيمىن دەسە، كونكۋرستان قايتا ءوتۋ مۇمكىندىگى بار»، - دەدى ە. ساعاديەۆ تامىز كونفەرەنسياسىنىڭ پلەنارلىق ماجىلىسىندە.

 ايتا كەتەيىك، مەكتەپتىڭ قامقورشىلىق كەڭەسىنە اكىمدىك وكىلدەرى، مەكتەپ باسشىلىعى، دەمەۋشىلەر، مەكتەپ تۇلەكتەرى، اتا- انالار مەن ۇكىمەتتىك ەمەس ۇيىمداردىڭ وكىلدەرى كىرەدى. ءمينيستردىڭ ايتۋىنشا، الداعى ۋاقىتتا قامقورشىلىق كەڭەستەردىڭ بەلسەندىلىگىن كوتەرۋ كوزدەلگەن. سوندا قوعام، اتا- انالار تاراپىنان قويىلاتىن تالاپتار جەرگىلىكتى دەڭگەيدە شەشىلەتىن بولادى. بيىل مينيسترلىك مۇعالىمدەردىڭ جۇكتەمەسىنە قاتىستى بۇيرىقتى دا شىعاردى. وعان سايكەس، مەكتەپ مۇعالىمى تەك 5 قۇجاتتى عانا تولتىرۋعا مىندەتتى. بۇدان بولەك، مەكتەپ پەن اتا- انالار اراسىندا كەلىسىمشارتتار راسىمدەلەدى. اتالعان باستاما العاش رەت بيىلعى وقۋ جىلىنان باستاپ ەنگىزىلىپ وتىر.