وزبەكستان مەن تاجىكستان ستراتەگيالىق سەرىكتەستىك شارتىنا قول قويدى

تاشكەنت. قازاقپارات - وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆ پەن تاجىكستان رەسپۋبليكاسىنىڭ پرەزدەنتى ەمومالي راحمون وزبەكستان رەسپۋبليكاسى مەن تاجىكستان رەسپۋبليكاسى اراسىنداعى ستراتەگيالىق سەرىكتەستىك تۋرالى شارتقا قول قويدى، دەپ حابارلايدى ءو ز ا اگەنتتىگى.

17 - تامىز كۇنى تاجىكستان پرەزيدەنتى تاشكەنتكە رەسمي ساپارمەن كەلدى. كوكساراي رەزيدەنسياسىندا وتكەن كەلىسسوزدەردىڭ اياعىندا ەكىجاقتى قۇجاتتارعا قول قويۋ ءراسىمى بولدى.

ستراتەگيالىق سەرىكتەستىك تۋرالى شارت پەن بىرلەسكەن مالىمدەمەدەن تىس، ستاندارتتاۋ، مەترولوگيا جانە سەرتيفيكاتتاۋ، مونوپولياعا قارسى ساياسات، تۇتىنۋشى قۇقىعىن قورعاۋ، گەولوگيا سالاسىندا بىرلەسكەن عىلىمي زەرتتەۋلەردى جۇرگىزۋ، اسكەري، عىلىمي- تەحنيكالىق، اۋىل شارۋاشىلىعى، ازىق- تۇلىك قاۋىپسىزدىگى، ءبىلىم بەرۋ، جاستار ساياساتى، مادەنيەت جانە ونەر سالالارىندا 26 قۇجاتقا قول قويىلدى.

«مەملەكەت ارالىق ءوزارا ىقپالداستىقتى ستراتەگيالىق سەرىكتەستىك دەڭگەيىنە كوتەرۋ - ەكى ەل قارىم- قاتىناستارىنداعى اسا زور ۇنامدى وزگەرىستەردىڭ زاڭدى ءارى لوگيكالىق ناتيجەسى»، - دەدى ەمومالي راحمون.

ءوز كەزەگىندە، شاۆكات ميرزيەيەۆ تاشكەنت «ەكى حالىقتىڭ قايماعى بۇزىلماعان دوستىعىن جان- جاقتى نىعايتۋعا بار مۇمكىندىكتى جۇمسايتىنىن» جەتكىزدى.

ەكى ەلدىڭ وڭىرلەرى اراسىندا، اتاپ ايتقاندا، سۇرحانداريا (وزبەكستان) جانە حاتلان (تاجىكستان)، سامارقانت (وزبەكستان) جانە سوعدى (تاجىكستان) وبلىستارى اراسىنداعى ساۋدا- ەكونوميكالىق، عىلىمي- تەحنيكالىق جانە مادەني- گۋمانيتارلىق ىنتىماقتاستىق ىنتىماقتاستىق تۋرالى كەلىسىمدەرگە قول جەتكىزىلدى.