12:54, 18 - تامىز 2018 | GMT +6
موڭعوليادا دارىگەرلەر ۆەلوسيپەدپەن ەل ارالاپ ءجۇر
استانا. قازاقپارات - موڭعوليانىڭ حوبدو ايماعىندا (وبلىس) ورنالاسقان وڭىرلىك دياگنوستيكالىق جانە ەمدەۋ ورتالىعىنىڭ دارىگەرلەرى ەلدىڭ شالعايداعى ايماقتارىنا ۆەلوسيپەدپەن ساياحاتقا شىقتى، دەپ حابارلايدى «قازاقپارات» ح ا ا مونتسامە اگەنتتىگىنە سىلتەمە جاساپ.
ۆەلوساياحات 16- تامىزدا باستالدى. ونداعى ماقسات - ەلدىڭ شالعايداعى وڭىرلەرىنىڭ تۇرعىندارىنا مەديتسينالىق كومەك بەرۋ. دارىگەرلەر 500 شاقىرىم جول جۇرمەك، ول ءۇشىن ءبىر جىلداي ارنايى دايىندالعان. سالاۋاتتى ءومىر سالتىن ناسيحاتتايتىن ۆەلودارىگەرلەر توبى نيەۆرولوگ، حيرۋرگ، تراۆماتولوگ جانە انەستەزيولوگ- رەانيماتولوگ مامانداردان قۇرالعان.