پۋتين اۆستريا سىرتقى ىستەر ءمينيسترىنىڭ ۇيلەنۋ تويىنا بارادى

استانا. قازاقپارات - رەسەي پرەزيدەنتى ۆلاديمير پۋتين اۆستريا سىرتقى ىستەر ءمينيسترىنىڭ ۇيلەنۋ تويىنا بارادى. بۇل جونىندە اۆستريالىق ب ا ق حابارلاپ، كەيىن بۇل اقپاراتتى كرەملدىڭ باسپا ءسوز حاتشىسى دميتري پەسكوۆ راستادى.

ول پۋتين بەرلينگە ساپارى بارىسىندا، ۇيلەنۋ تويىنا جولاي باراتىنىن ايتتى. پۋتين 18 - تامىزدا بەرليندە گەرمانيا كانسلەرى انگەلا مەركەلمەن كەزدەسپەك.

اۆستريا سىرتقى ىستەر ءمينيسترى كارين كنايسل قارجىگەر ءارى كاسىپكەر ۆولفگانگ مايلينگەرگە تۇرمىسقا شىعىپ جاتىر. كنايسلدىڭ ءوزى وڭشىل ەركىندىك پارتياسىنان مينيستر بولدى. بۇل پارتيا رەسەيشىل ۇستانىمدى قولدايدى، ءتىپتى «ەدينايا روسسيا» پارتياسىمەن ىنتىماقتاستىق جونىندە كەلىسىم جاساسقان.

2018 -جىلدىڭ باسىندا اۆستريالىق Kurier گازەتىنە سۇقبات بەرگەن كارين كنايسل رەسەيگە ۋكرايناداعى ساياساتىنا بايلانىستى سالىنعان سانكسيالار «ءتيىمدى بولماعانىن» مالىمدەگەن.

www.azattyq.org