استانادا قازاقستان- قىرعىزستان ۇكىمەت ارالىق كەڭەسىنىڭ كەزەكتى وتىرىسى ءوتتى

None
None
استانا. قازاقپارات - بۇگىن ۇكىمەت ۇيىندە قازاقستان رەسپۋبليكاسىنىڭ پرەمەر- ءمينيسترى باقىتجان ساعىنتايەۆ پەن قىرعىزستان رەسپۋبليكاسىنىڭ پرەمەر- ءمينيسترى مۋحاممەدكالىي ابىلگازيەۆ قازاقستان- قىرعىزستان ۇكىمەتارالىق كەڭەسىنىڭ VII وتىرىسىنا قاتىستى،

 دەپ حابارلايدى قازاقپارات primeminister.kz سىلتەمە جاساپ.

ۇكىمەت ارالىق كەڭەس وتىرىسى اياسىندا قازاقستان پرەمەر- ءمينيسترى باقىتجان ساعىنتايەۆ پەن قىرعىزستان پرەمەر- ءمينيسترى مۋحاممەدكالىي ابىلگازيەۆتىڭ ەكىجاقتى كەزدەسۋى ءوتتى. تاراپتار ساۋدا- ەكونوميكالىق ىنتىماقتاستىقتىڭ وزەكتى ماسەلەلەرىن، ينۆەستيتسيالىق ءوزارا ءىس- قيمىلدى كەڭەيتۋدىڭ جانە ترانزيتتىك- كولىك، سۋ- ەنەرگەتيكا، تۋريزم جانە وزگە دە سالالارداعى بىرلەسكەن جوبالاردى ىسكە اسىرۋدىڭ الداعى جوسپارلارىن تالقىلادى.

VII وتىرىس بارىسىندا قازاقستان- قىرعىزستان ۇكىمەتارالىق كەڭەسىنىڭ VI وتىرىسىنىڭ حاتتاماسىن ورىنداۋ قورىتىندىلارى شىعارىلىپ، ساۋدا، كولىك، ينۆەستيتسيالار، ەنەرگەتيكا، اۋىل شارۋاشىلىعى، سونداي- اق تۋريزم مەن تسيفرلاندىرۋ سالالارىنداعى ىنتىماقتاستىقتىڭ الداعى كەزەڭدەرى قارالدى. بۇدان وزگە، قازاقستان مەن قىرعىزستان ىنتىماقتاستىعىنىڭ 2018-2020 -جىلدارعا ارنالعان كەشەندى باعدارلاماسى قارالدى.

وتىرىستى اشقان باقىتجان ساعىنتايەۆ قازاقستان پرەزيدەنتى نۇرسۇلتان نازاربايەۆ پەن قىرعىزستان پرەزيدەنتى سوورونباي جەيەنبەكوۆ اراسىنداعى ءوزارا سىيلاستىق، دوستىق قارىم- قاتىناس ەكى ەل اراسىنداعى بايلانىستاردى جاڭا ساپالى دەڭگەيگە كوتەرىپ، ەجەلدەن «اۋىلى ارالاس، قويى قورالاس» حالىقتارىمىز اراسىنداعى دوستىق پەن ءوزارا تۇسىنىستىكتى نىعايتۋعا مۇمكىندىك بەرگەنىن اتاپ ءوتتى.

ەكى مەملەكەتتىڭ ساۋدا- ەكونوميكالىق قاتىناستارىندا وڭ قارقىن بايقالادى. 2017 -جىلى ءوزارا ساۋدا % 13,4- عا ارتتى، ال 2018 -جىلعى بەس ايدىڭ قورىتىندىسى بويىنشا ءوسىم % 9,8 قۇرادى.

يندۋستريالاندىرۋ جىلدارى ق ر- دا جاڭا وندىرىستىك قۋاتتىلىقتار پايدا بولدى، سىرتقى نارىقتارعا تابىسپەن شىعارىلىپ جاتقان ونىمدەردى ءوندىرۋ الۋاندىعى ۇلعايدى. قازاقستاندىق وندىرۋشىلەردىڭ مەتاللۋرگيا ونىمدەرىن، ازىق- تۇلىك ونىمدەرىن، ءدارى- دارمەكتەردى، قۇرىلىس ماتەريالدارىن، سونداي- اق سيفرلاندىرۋ ونىمدەرىن ەكسپورتتاۋعا الەۋەتتى مۇمكىندىكتەرى بار.

«بۇگىنگى تاڭدا قازاقستاندا كوتەرمە جانە بولشەك ساۋدا، وڭدەۋ ونەركاسىبى، كاسىبي، عىلىمي جانە تەحنيكالىق قىزمەت، قۇرىلىس جانە قىزمەت كورسەتۋ سالالارىندا جۇمىس ىستەيتىن 824 بىرلەسكەن كاسىپورىن بار. بۇدان وزگە، ەكونوميكانىڭ باسىم سەكتورلارىنا شەتەلدىك ينۆەستورلاردى تارتۋ ماقساتىندا «Kazakh Invest» ۇلتتىق كومپانياسى Deloitte كومپانياسىمەن بىرلەسىپ، قىرعىز تاراپىنا قاتىسۋعا بولاتىن «50 تاۋاشالى جوبا» دايىندادى. البەتتە، ءوزارا ساۋدا اينالىمىن $1 ميللياردقا دەيىن ۇلعايتۋ جونىندەگى جوسپارلاردى ءىس جۇزەگە اسىرۋعا بولادى»، - دەدى پرەمەر- مينيستر.

 وتىرىس بارىسىندا 2017 -جىلعى 2 - جەلتوقساندا استانادا قول قويىلعان ەكىجاقتى ەكونوميكالىق ىنتىماقتاستىق ماسەلەلەرى جونىندەگى جول كارتاسىنىڭ تارماقتارىن ورىنداۋ جۇمىستارىنىڭ ناتيجەلەرى اتالىپ ءوتتى. جول كارتاسىنىڭ تولىقتاي ىسكە اسىرىلۋى ساۋدا- ەكونوميكالىق ىنتىماقتاستىقتىڭ باستى باسىمدىعى، بۇل ەكى ەل اراسىنداعى ءوزارا ساۋدا- ساتتىقتى كەڭەيتۋگە جول اشادى، ال جاقىندا قۇرىلعان قازاقستان- قىرعىزستان ىسكەرلىك كەڭەسى العا قويىلعان مىندەتتەردى شەشۋ جولىندا ۇتىمدى قۇرالداردىڭ بىرىنە اينالۋى ءتيىس. وسى جىلدىڭ سوڭىنا دەيىن ىسكەرلىك كەڭەستىڭ ءى وتىرىسىن وتكىزۋ، سونداي- اق، قازاقستاندىق ەكسپورتشىلاردىڭ قىرعىزستانعا ساۋدا- ەكونوميكالىق ميسسياسىن وتكىزۋ جوسپاردا بار.

تاراپتار اسكەري- تەحنيكالىق ىنتىماقتاستىقتى دامىتۋ، ترانسشەكارالىق سۋدى پايدالانۋ سالاسىنداعى ءوزارا ءىس- قيمىلدى دامىتۋ ماسەلەلەرىن تالقىلادى. سونداي- اق، وتىرىس بارىسىندا قازاقستان- قىرعىزستان مەملەكەتتىك شەكاراسىندا ءوزارا ءىس- قيمىلدى دامىتۋ كەلەشەگى قارالدى. 2017 -جىلعى 25 - جەلتوقساندا قول قويىلعان دەماركاتسيا تۋرالى كەلىسىمشارت پەن مەملەكەتتىك شەكارالار رەجيمى تۋرالى كەلىسىم راتيفيكاتسيالاۋعا بەرىلگەن.

«قىرعىز تاراپىنىڭ ۇسىنىسى بويىنشا «سارتوبە» (توقماق) جانە «اۋقاتتى» وتكىزۋ پۋنكتەرىنىڭ مارتەبەسىن وزگەرتۋ تۋرالى حاتتاماعا ەكىجاقتىدان كوپجاقتى رەتىندە قول قويۋعا دايىنبىز. بۇل ولاردىڭ وتكىزۋ قابىلەتىن ۇلعايتۋعا مۇمكىندىك بەرەدى. سونىمەن قاتار، اتالعان شەشىمدى ورىنداۋ وسى وتكىزۋ پۋنكتەرىنىڭ جانە ولارعا اپاراتىن كىرۋ جولدارىنىڭ ينفراقۇرىلىمىن قوسىمشا جاڭعىرتۋدى تالاپ ەتەتىنىن تۇسىنەمىز. شەكارانىڭ جوعارى ساپالى قىزمەت كورسەتۋىن قامتاماسىز ەتۋ - باسىم مىندەتتەردىڭ ءبىرى»، - دەدى ق ر پرەمەر- ءمينيسترى.

وڭىرلىك تۋريستىك باعىتتاردى دامىتۋ ءوزارا ارەكەتتەستىكتە الەۋەتى مول تاعى ءبىر باعىت بولىپ تابىلادى. ءوزارا ءتيىمدى ىنتىماقتاستىقتىڭ كورنەكتى مىسالى ەكى ەلدىڭ اۋماعى ارقىلى وتەتىن حان ءتاڭىرى شىڭىنا تۋريستىك باعىتتاردىڭ اشىلۋى بولا الادى.

ءوز كەزەگىندە قىرعىزستان پرەمەر- ءمينيسترى م. ابىلگازيەۆ بايانداماسىندا ساۋدا، كولىك، ترانزيتتىك جانە تۋريستىك سالالارداعى ىنتىماقتاستىق ماسەلەلەرىنە توقتالدى. ە ا ە و- تىڭ ءبىرىڭعاي سيفرلىق كۇن ءتارتىبىنىڭ نەگىزىندە ەكونوميكانى سيفرلىق ترانسفورماتسيالاۋ اياسىندا ءوزارا ءىس- قيمىل الەۋەتىن اتاپ ءوتتى. سونىمەن قاتار م. ابىلگازييەۆ سالىقتىق اكىمشىلەندىرۋدى، تاۋارلاردىڭ سايكەستىگى مەن ولاردى تاڭبالاۋدى جەتىلدىرۋ ماسەلەلەرىن قوزعادى.

وتىرىس قورىتىندىسى بويىنشا ءبىرقاتار قۇجاتتارعا قول قويۋ ءراسىمى ءوتتى. ەكى ەلدىڭ پرەمەر- مينيسترلەرى دەڭگەيىندە قازاقستان- قىرعىز ۇكىمەتارالىق كەڭەسىنىڭ VII وتىرىسىنىڭ حاتتاماسىنا قول قويىلدى. سونىمەن قاتار قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى 2003 -جىلعى 25 جەلتوقسانداعى مەملەكەتتىك شەكارا ارقىلى وتكىزۋ پۋنكتتەرى تۋرالى كەلىسىمگە جانە قىرعىز رەسپۋبليكاسىنىڭ ەكونوميكا مينيسترلىگى مەن قازاقستان رەسپۋبليكاسىنىڭ ۇلتتىق ەكونوميكا مينيسترلىگى اراسىنداعى ىنتىماقتاستىق تۋرالى مەموراندۋمعا وزگەرىستەر ەنگىزۋ تۋرالى حاتتاما قابىلداندى.

قازاقستان- قىرعىزستان ۇكىمەتارالىق كەڭەسىنىڭ كەلەسى VIII وتىرىسى 2019 -جىلى بىشكەك قالاسىندا وتەدى.

سوڭعى جاڭالىقتار